05 ސެޕްޓެމްބަރ 2019
ހުވަދު އަތުޅު އުތުރުބުރީގެ ކައުންސިލްތަކުގެ މެދުގައި 3 ދުވަހުގެ މުއްދަތަށް ކުރިއަށްގެންދާ އުތުރު ހުވަދޫ 2 ވަނަ މަހާސިންތާ ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް މިއަދު ހެނދުނު އިފްތިތާހުކޮށްދެއްވައިފިއެވެ. މި ސެޕްޓެންބަރު 5 އިން 7 އަށް ގއ. ދާންދޫގައި ކުރިއަށް ގެންދާ އަތޮޅުގެ 9 ރަށުގެ ކައުންސިލްތަކުން ބައިވެރިވާ މި މަހާސިންތާއަކީ ސަރުކާރުގެ އޮފީސްތަކާއި ސިވިލް ސަރވިސް ކޮމިޝަނާއެކު މަޝްވަރާކޮށް ހިންގުން ހަރުދަނާކުރުމުގެ ގޮތުންނާއި މަޢުލޫމާތާއި ތަޖުރިބާ ހިއްސާ ކުރުމުގެ ގޮތުން ބާއްވާ މަހާސިންތާއެކެވެ. ސިވިލް ސަރވިސް ކޮމިޝަނުގެ ފަރާތުން މި މަހާސިންތާގައި ކޮމިޝަނުގެ ރައީސް ޑރ. އަލީ ޝަމީމްގެ އިތުރުން މެންބަރު އަލްފާޟިލާ ފާތިމަތު އާމިރާ ވެސް ބައިވެރިވެވަޑައިގަންނަވައެވެ.
ކޮމިޝަނުގެ ރައީސް މަހާސިންތާ ޝަރަފުވެރިކޮށްދެއްވައި ވާހަކަފުޅުދައްކަވަމުން ކޮންމެ ހިންގުންތެރިއަކު ފަރުދީ ޒިންމާ ނަންގަވައި ކަންކަމުގެ ހުނަރާއި މަޢުލޫމަތު އަމިއްލަ އިސްނެގުމާއެކު ދަސްކޮށް ޒަމާނަށްފެތި ޒިންމާދާރު އދި ނަޒާހަތްތެރި މީހަކަށް ވުމަށް ގޮވާލެއްވިއެވެ. އަދި ރަށާއި އަތޮޅު ތަރައްޤީ ކުރުމުގައި ކޮންމެ ފަރުދެއްގެ ވެސް ހިއްސާ އެއް އޮތްކަން ހަނދާންކޮށްދެއްވަވައި އަބަދުވެސް ތާޒާވެ ކަންކަމާމެދު އިޖާދީ އަދި އީޖާބީ އުފެންދުންތެރި ނަޒަރަކުން ވިސްނައި ކަންކަމަށް ހައްލު އަމިއްލަ އަށް ހޯދުމުގެ މުހިންމު ކަމުގެ މައްޗަށް މަހާސިންތާގެ ބައިވެރިންނަށް ވިސްނާދެއްވެވިއެވެ.
ގއ. ދާންދޫ ރައްޔިތުން މަހާސިންތާގައި ބައިވެރިވެވަޑައިގަތުމަށް މާލެ އާއި އަތޮޅު ތެރެއިން ވަޑައިގެންނެވި ބޭފުޅުންނަށް ގުލްދަސްތާ ތަކުންނާއި އަދި ބޮޑު ބެރުގެ ފޯރި އާއި އެކު ހޫނު މަރުހަބާއެއްކިއެވެ. އަދި މުޅި ރަށްވަނީ މުނާސަބަތާ ގުޅޭގޮތުން ލިއުންތަކާއި ގައުމީ ދިދައިން ޒީނަތްތެރި ކުރެވިފައެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
.png){kind=avatar}
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022