05 ފެބްރުއަރީ 2020
![](/images/Posts/57/aa2faefa-ad24-4e71-b42c-5cc2f13d8208_viber_image_2020-02-04_21-15-51-750x400.jpg)
ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް މިހާރު ބަންގްލާދޭޝްގެ ޑާކާ އަށް ކުރައްވަމުން ގެންދަވާ ރަސްމީ ދަތުރުފުޅުގައި މިއަދު އެގައުމުގެ ސިވިލް ސަރވަންޓުންގެ ކަންތައްތައް ބަލަހައްޓާ ބެލެނިވެރިފަރާތްކަމުގައިވާ ބަންގްލާދޭޝް ގެ ޕަބްލިކް ސަރވިސް ކޮމިޝަނަށް ޒިޔާރަތްކުރައްވަވައި ދެކޮމިޝަނުގެ ދެމެދުގައި ގުޅުން ބަދަހިކުރުމަށްޓަކައި މަޝްވަރާކުރައްވަވައިފިއެވެ. ބަންގްލާދޭޝް ޕަބްލިކް ސަރވިސް ކޮމިޝަނަށް ޑރ. އަލީ ޝަމީމް ޒިޔާރަތްކުރެއްވުމުން އެކޮމިޝަނުގެ ޗެއަރމަން ޑރ. މުހައްމަދު ސަދީޤް އާއި ބައެއް އެހެން މެންބަރުން އަދި މުވައްޒަފުން ވަރަށް ހޫނު މަރުޙަބާއެއް ދެންނެވިއެވެ. އަދި އެ ޤައުމުގެ ބާނީ ކަމުގައިވާ ޝެލް މުޖީބުއްރަހުމާންގެ ހަނދާނުގައި ހަދާފައިވާ ބިނާއެއްގައި މާފައްޗެއް ބާއްވަވާދެއްވަވައި އަދި ގައުމަށް ޓަކައި ގުރުބާންވެފައިވާ ޕަބްލިކް ސަރވަންޓުންގެ ޒިކްރާ އައުކުރުމަށް އެކޮމިޝަނުގެ އިމާރާތުގެ ތެރޭގައި ހަދާފައިވާ ހަނދާނީބިނާ އަކަށްވެސް ޒިޔާރަތްކުރައްވަވައި މާބޮޑިއެއް ބޭއްވެވިއެވެ.
ބަންގްލާދޭޝްގެ ކޮމިޝަނަށް ކޮމިޝަނުގެ ރައީސް ކުރެއްވެވި ޒިޔާރަތުގައި އެގައުމަށް ކަނޑައަޅުއްވަވާފައި ހުންނަވާ ސަފީރު ހިޒް އެކްސަލަންސީ އައިޝަތު ޝާން ޝާކިރާއި ފަސްޓް ސެކެޓްރީ އަހްމަދު ފަޒީލް ވެސް ބައިވެރިވެވަޑައިގެންނެވިއެވެ.
ދެކޮމިޝަނުގެ ދެމެދުގައި ގުޅުން ބަދަހިކޮށް ސިވިލް ސަރވިސް ތަރައްޤީ ކުރުމަށް ގުޅިގެން މަސައްކަތްކުރުމާއި ތަޖްރިބާ ހިއްސާކުރުމުގެ ގޮތުން ބޭއްވުނު މަޝްވަރާ ބައްދަލުވުމުގައި ދެފަރާތުގެ ގުޅުން ރަސްމީކުރުމުގެ ގޮތުން ވަރަށް އަވަސް މުއްދަތެއްގެ ތެރޭގައި ފަހުމުނާމާއެއް އެކުލަވާލުމަށް އެއްބަސްވެވުނެވެ. އަދި މި ބައްދަލުވުމުގައި ކޮމިޝަނުގެ އެއް މެންބަރުކަމުގައިވާ ޕްރޮފެސަރ ޑރ. އަބްދުލް ޖައްބާރު ޚާން އެކޮމިޝަން ހިންގޭގޮތާއި އަދި ކާމިޔާބު ކުރެވިފައިވާ ކަންކަމުގެ މައްޗަށް ޕަވަރޕޮއިންޓް ޕްރެޒެންޓޭޝަނެއް ދައްކަވާދެއްވިއެވެ. ކޮމިޝަނުގެ ރައީސް މިއަހަރުގެ ޖުލައި މަހުގެ ތެރޭގައި ރާއްޖޭގައި ބޭއްވުމަށް ރޭވެމުންދާ ސާރކް ޕަބްލިކް ސަރވިސްގެ ވެރިންގެ 7 ވަނަ ބައްދަލުވުމުގައި ބައިވެރިވެވަޑައިގެންދެއްވުމަށް ބަންގްލާދޭޝްގެ ޗެއަރމަނާއެކު ވަފުދެއް ރާއްޖެ ޒިޔާރަތްކުރެއްވުމަށް ދައުވަތު އެރުވިއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023