10 ނޮވެމްބަރ 2018
![](/images/Posts/99/6653ca63-1da9-42b2-98e8-8b7468d138c7_646A90B7-AE4D-4167-8B3D-7CAA56D640AF-750x400 (1).jpeg)
މިއަހަރު ޤައުމީ ދުވަހުގެ ޖަލްސާ ޝަރަފުވެރިކޮށްދެއްވުމަށް ހއ. އުތީމަށް ސިވިލް ސަރވިސް ކޮމިޝަނުގެ ރައީސް 10 ނޮވެންބަރުގައި ކުރެއްވި ޒިޔާރަތުގައި މެންދުރުފަހު 3:30އިން 5އަށް ޕްރޮފެޝަނަލް ޑިވެލޮޕްމަންޓް ސެޝަނެއް އުތީމުގައިވާ ސިވިލް ސަރވިސްގެ އެންމެހާ އިދާރާތަކަށް ނަންގަވައިދެއްވައިފިއެވެ. ބޮޑުތަކުރުފާނުގެ ހަނދާނީ މަރުކަޒުގައި ކުރިޔަށްގެންދެވުނު މި ތަމްރީނު ސެޝަނުގައި މަސައްކަތްތެރިއެއްގެ ގޮތުން މުވައްޒަފުންގެ މައުލޫމާތާއި ހުނަރާއި ޤާބިލުކަން އިތުރުކުރުމަށް ކުރެވިދާނެ ކަންކަމުގެ މައުލޫމާތު މުވައްޒަފުންނާ ޙިއްޞާކުރެއްވިއެވެ. އަދި ތަފާތު ތަކެތީގެ މިސާލުތައް ދައްކަވައި އަބަދު ތާޒާވެ ހުންނާނެ ގޮތާއި، އަމިއްލައަށް ތިމާ ފެންވަރު މަތިކުރުމަށް ވިސްނާނެ ގޮތާއި އަމިއްލަ އެހީގައި ކުރިޔަށްދެވިދާނެ ގޮތާއި އަދި މަސައްކަތަށް ޝައުގުވެރިކަން އުފެއްދިދާނެ ވިސްނުމާއި އަމަލުތައް ގެންގުޅޭނެ ގޮތުގެ މައްޗަށްވެސް މި ސެޝަންގައި މައުލޫމާތު ޙިއްސާކުރެވުނެވެ.
އުތީމު ކައުންސިލުގެ ޒިންމާދާރުވެރިޔާ އަލްފާޟިލް ޢަބުދުﷲ އައްސަދު ވިލަރެސްކުރައްވަވައި އިންތިޒާމު ކޮށްދެއްވި މި ޕީޑީ ސެޝަންގައި ބައިވެރިވެ ވަޑައިގެންނެވި މުވައްޒަފުންގެ ފަރާތުން ފީޑްބެކް ދެއްވަމުން ވިދާޅުވީ ސެޗަންގައި ޙިއްސާކުރެވުނު މައުލޫމާތުތައް ވަރަށް ރަނގަޅުކަމަށް ބައިވެރިން ބަޔާންކުރި ކަމަށާއި، މީގެ ފުރިހަމަ ސެޝަނެއް ވަގުތު އޮވެގެން ބާއްވައިދިނުމަށް މުވައްޒަފުން އެދޭކަމަށެވެ.
ޕީޑީ ސެޝަނުގެ ތެރޭގައި ކޮމިޝަނުގެ ރައީސް ޑރ. ޢަލީ ޝަމީމު އުތީމު ސްކޫލުގެ ލައިބްރަރީއަށް ހަދިޔާކުރެއްވި ފޮތްސެޓެއްވެސް ސްކޫލާ ހަވާލުކޮށްދެއްވުން އޮތެވެ. މި ފޮތް ސެޓަކީ ދިވެހިބަހުން ލިޔެވިގެން އަޚްލާގާއި ތަރުބިއްޔަތާ ގުޅޭގޮތުން ނެރެފައިވާ ފޮތް ސެޓެކެވެ. މި ހަދިޔާއަކީ ސިދާ ކޮމިޝަނުގެ ރައީސް މަދަރުސާތަކުގެ ދަރިވަރުންގެ އަޚްލާގީ ފެންވަރުމަތިކޮށް ރަނގަޅު ތަރުބިއްޔަތެއްގައި ކިޔަވައިދިނުމަށް ބާރު އެޅުމަށް ދެއްވި ހަދިޔާއެކެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023