އީ-ގަވަނަންސާ ބެހޭގޮތުން ޗައިނާގައި ބާއްވާ ބައިނަލް އަޤްވާމީ ސެމިނާރއެއްގައި ބައިވެރިވުމަށް ކޮމިޝަނުގެ ވަފުދެއް ޗައިނާއަށް ފުރައިފިއެވެ. ޗައިނާގެ ގުއަންޒޯގައި މިމަހުގެ 22 އިން 24 އަށް ބާއްވާ "އިންޓަރނޭޝަނަލް ސެމިނަރ އޮން އީގަވަރނަންސް: ޓެކްނޮލޮޖިކަލް އިނޮވޭޝަން އެންޑް ލީގަލް ގެރެންޓީ" ސެމިނަރ އަކީ ޗައިނާގެ އީސްޓަން ރީޖަނަލް އޮގަނައިޒޭޝަން ފޯ ޕަބްލިކް އެޑްމިނިސްޓްރޭޝަންގެ ދަށުން ހިންގާ އީގަވަރނަންސް ރިސާޗް ސެންޓަރުން އިންތިޒާމުކުރާ ސެމިނާރއެކެވެ. މި ސެމިނަރގައި ކޮމިޝަނުގެ ފަރާތުން ބައިވެރިވާ ވަފުދުގައި ހިމެނިވަޑައިގަންނަވަނީ ކޮމިޝަނުގެ ސެކްރެޓަރީ ޖެނެރަލް ޑރ. އިބްރާހީމް ޒުހުރީއާ ކޮމިޝަނުގެ ޕަރފޯމަންސް މެނޭޖްމަންޓް ސެކްޝަނުގެ ޑިރެކްޓަރ ފާޠިމަތު ލަހްފާއެވެ. ކޮމިޝަނުގެ މި ވަފުދުން މި ސެމިނާރގައި މި ދާއިރާއިން ރާއްޖޭގެ ތަޖްރިބާ ހިއްސާކުރުމަށް 20 މިނެޓްގެ ޕްރެޒެންޓޭޝަނެއް ދޭގޮތަށް ހަމަޖެހިފައިވެއެވެ.