ބައިނަލްއަޤްވާމީ މާދަރީ ބަހުގެ ދުވަސް ފާހަގަކުރުމުގެ ގޮތުން ކުޑަ ހަފްލާއެއް މިއަދު ސިވިލް ސަރވިސް ކޮމިޝަނުގައި ކުރިއަށްގެންގޮސްފިއެވެ. ސިވިލް ސަރވިސް ކޮމިޝަނުގެ މުވައްޒަފުންނަށް ދުވަހާގުޅޭގޮތުންނާއި ދިވެހި ބަސް ދިރުވައިކުރިއެރުމުގެ މުހިންމުކަމުގެ މައުލޫމާތް ހިއްސާކުރުމުގެ ސެޝަންގައި ޝަރަފުވެރި މެހުމާނެއްގެ ގޮތުން މަޢުލޫމާތު ދެއްވެވީ ރާއްޖޭގައި މިވަގުތު ހުންނެވި ދިވެހިބަހާއި ތާރީޚްއަށް ޚިދްމަތްކުރެއްވުމުގައި މަޝްހޫރުކަން ލިބިވަޑައިގެންފައިވާ އަލްއުސްތާޛް އަހްމަދު ޝާކިރެވެ. ކަށިމާޝާކިރުގެ ވާހަކަފުޅު ބިނާކުރެއްވެވީ ދުވަހަށްކަނޑައެޅިފައިވާ މަޢުޟޫކަމުގައިވާ " ދިވެހި ބަހުގެ ތާރީޚާއި ގުޅޭގޮތުންނެވެ. މި މައުޟޫއުގެ މައްޗަށް ވާހަކަފުޅުދައްކަވަމުން، ދިރާސީނަޒަރަކުން ދިވެހީންގެ މައިދަރީބަސް ކަމުގައިވާ ދިވެހިބަހުގެ މުހިންމުކަމަށާއި، އެބަހުގެ ސަބަބުން ދިވެހީންގެ އައިޑެންޓިޓީ އޮޅުންފިލާ ކަމަށާއި، މިފަދަ މުހިންމު ގައުމީ ބަހާ އަކާމެދު އެއްވެސް ފަރާތަކުން ފަރުވާކުޑަކުރެވިގެން ނުވާނެކަން ބަޔާންކުރެއްވެވިއެވެ.
ބައިނަލްއަޤްވާމީ މާދަރީ ދުވަސްފާހަގަކުރުމަށް ބޭއްވުނު ހަފްލާގައި ކޮމިޝަނުގެ ރައީސް ޑރ. އަލީ ޝަމީމްވެސް ވާހަކަފުޅުދެއްކެވިއެވެ. އެބޭފުޅާގެ ވާހަކަފުޅުގައި މަޢުލޫމާތުދެއްވުމަށް ވަޑައިގެންދެއްވި އަލްއުސްތާޛް އަހްމަދު ޝާކިރަށް ޝުކުރުއަދާކުރައްވަވައި ތާރީޚީ އަދި ބަހުގެ ޢިލްމް ވެރިއެއްގެ ގޮތުން މިފަދަ މަޢުޟޫއަކަށް އިންސާފުކުރެއްވުމަށް އެންމެ އެކަށޭނެ ފަރާތްކަމުގައި ފާހަގަކުރެއްވެވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022