މިނިސްޓްރީ އޮފް ހެލްތުގެ ވަޒީރު އޮނަރަބަލް ޢަބްދުﷲ އަމީން ސިވިލް ސަރވިސް ކޮމިޝަނާ މިއަދު އެ މިނިސްޓްރީގައި ބައްދަލުކުރައްވަވައި އެ މިނިސްޓްރީ ހިންގުމުގައި ސިވިލް ސަރވިސް އާ ގުޅުންހުރި ކަންކަމާގުޅޭ ގޮތުން މަޝްވަރާކުރައްވައިފިއެވެ.
މި މަޝްވަރާ ބައްދަލުވުމުގައި ކޮމިޝަނުގެ ފަރާތުން އިސްކޮށް އިންނެވީ ކޮމިޝަނުގެ ރައީސް ޑރ. ޢަލީ ޝަމީމް އެވެ. މި ބައްދަލުވުމުގައި މިނިސްޓްރީ އޮފް ހެލްތުގެ އޮނިގަނޑުގެ ހުރި މައްސަލުތަކާއި އަދި މުވައްޒަފުން ތަމްރީނު ކުރުމާއި ގުޅޭގޮތުން ވަނީ މަޝްވަރާތަކެއްކުރައްވާފައެވެ. ތަފާތު މަސައްކަތްތަކެއް ކުރަމުންގެންދާއިރު މި މިނިސްޓްރީގެ ކަންކަން އަވަހަށް ހަމަޖައްސައި ދިމާވެފައިވާ ދަތިތައް ހައްލުކުރުމުގައި ކޮމިޝަނުން ފުރިހަމައެއް ބާރުލުން މިނިސްޓަރަށާއި މިނިސްޓްރީ އަށް ލިބިވަޑައިގަންނަވާނޭ ކަމުގެ ކަށަވަރުކަން މި ބައްދަލުވުމުގައި ކޮމިޝަނުގެ މެންބަރުން އަރުވާފައިވެއެވެ.