17 ފެބްރުއަރީ 2020
ޞުލްޙަ މަސަލަސްކަން އަށަގެންފައިވާ ދިމުޤްރާތީ ވެށްޓަކަށް ދިވެހި މުޖްތަމަޢު ހޭލުންތެރިކުރުވުމުގެ މަޤްސަދުގައި އިލެކްޝަންސް ކޮމިޝަން އިސްނަންގަވައި އެހެން 16 މުއައްސަސާއަކާއި ގުޅިގެން ފެށުމަށް ހަމަޖެހިފައިވާ ގައުމީ ހޭލުންތެރިކަމުގެ ހަރަކާތް ނުވަތަ ގައުމީ އެވެއާރނެސް ކެމްޕެއިން އާ ގުޅޭގޮތުން މީޑިއާއަށް މަޢުލޫމާތު ދިނުމަށް މިއަދު ބޭއްވުނު ނޫސް ކޮންފަރެންސްގައި ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް ބައިވެރިވެވަޑައިގެންފިއެވެ. އިލެކްޝަންސް ކޮމިޝަނުގެ ރައީސް އަލްފާޟިލް އަހުމަދު ޝަރީފް ފަށްޓަވައިދެއްވި ނޫސްކޮންފަރެންސްގައި މި ހަރަކާތް ރާވާއި ހިންގުމުގައި ބައިވެރިވެވަޑައިގެންނެވި މުއައްސަސާތަކުގެ މަންދޫބުންނަށް މަޢުލޫމާތު ހިއްސާ ކުރައްވަވަން ދެއްވި ފުރުޞަތުގައި ކޮމިޝަނުގެ ރައީސްވެސް ވާހަކަފުޅު ދައްކަވާފައިވެއެވެ.
ކޮމިޝަނުގެ ރައީސް އަކީ ގައުމީ އެވެއާރނަސް ކެމްޕެއިން ގެ ކަންކަން ރޭވުމުގައި އެކުލަވާލި ސްޓޭކް ހޯލްޑާސް ކޮމިޓީގައި ސިވިލް ސަރވިސް ކޮމިޝަނުގެ ފަރާތުން ބައިވެރިވެވަޑައިގެންނެވި މަންދޫބުވެސްމެއެވެ. މި ހަރަކާތުގެ މުހިންމުކަމާއި މިކަމުން ލިބޭނެ ފައިދާގެ މައްޗަށް އަލިއަޅުވާލައްވައި ވާހަކަދައްކަވަމުން މި ކެމްޕެއިނަކީ ނަތީޖާ ނެރެވޭ ކާމިޔާބު ކެމްޕޭނަކަށް ހެދުމަށްޓަކައި ސިވިލް ސަރވިސްގެ މުވައްޒަފުންނާއި ސިވިލް ސަރވިސްގެ އިދާރާތަކުން ފުރިހަމަ އެއްބާރުލުމާއި އެހީތެރިކަން 12 މަސްދުވަހަށް ދެމިގެންދާ މި ކެމްޕެއިނަށް ދެއްވުމަށް އެދިވަޑައިގެން އެކަމަށް ގޮވާލެއްވެވިއެވެ.
ގައުމީ ހޭލުންތެރިކަމުގެ ހަރަކާތުގައި 12 މައުޟޫއެއްގެ މައްޗަށް މުއައްސަސާތައް ގުޅިގެން މަޢުލޫމާތު ދިނުމާއި ހޭލުންތެރިކުރުމުގެ ތަފާތު ހަރަކާތްތަކެއް ހިންގުމަށްވަނީ ހަމަޖެހިފައެވެ. މައުޟޫތަކުގެ ތެރޭގައި ލާމަރުކަޒީނިޒާމާއި، އިންތިޚާބުތަކާއި، އަންހެނުން ބާރުވެރިކުރުވުމާއި، މަސައްކަތްތެރިންގެ ޙައްޤުތަކާއި ވާޖިބުތަކަށް އަހުލުވެރިވުމާއި، މަޝްވަރާކޮށް ކަންކަން ތަޙައްމަލުކުރުމާއި، އިޤްތިޞާދު ކުރުމާއި ފަހަށް ރައްކާކުރުމާއި، ރައްޔިތުން ބާރުވެރިކުރުމާއި ޤާނޫނާއި ގަވާއިދުތަކަށް ހުރުމަތްތެރިކޮށް ހިތުމާއި ދަރުމަވެރިކަން ދިރުވުމާއި، ޖިންސީ ފުރައްސާރަނުކުރުމާއި ނަޒާހަތްތެރިވުން ހިމެނިގެންވެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022