08 ޖަނަވަރީ 2026
"ދިވެހި ސިވިލް ސަރވިސް ކޮންފަރެންސް 2026" ގެ މީޑިއާ އަދި ބްރޯޑްކާސްޓިންގ އާ ގުޅުން ހުރި ކަންތައްތަކުގައި އެހީތެރިކަން ފޯރުކޮށްދިނުމުގެ ގޮތުން ސިވިލް ސަރވިސް ކޮމިޝަނާއެކު ޕަބްލިކް ސަރވިސް މީޑިއާ (ޕީ.އެސް.އެމް) އިން މީޑިއާ ޕާރޓްނަރގެ ގޮތުގައި ހަމަޖެހި، ފަހުމުނާމާގައި ދެ ފަރާތުން މިއަދު ސޮއިކޮށްފިއެވެ.
ޕީ.އެސް.އެމް. ގައި ބޭއްވި ރަސްމިއްޔާތުގައި ކޮމިޝަނުގެ ރައީސް އަލްއުސްތާޛު މުޙައްމަދު މުޖްތާޒް ދެއްކެވި ވާހަކަފުޅުގައި، ސިވިލް ސަރވިސް ކޮންފަރެންސަކީ، ސިވިލް ސަރވިސްގެ މަސައްކަތްތައް ރޭވިފައިވާ ގޮތްތައް ދިރާސާކޮށް، ފެންވަރު ރަނގަޅު ޚިދުމަތްތަކެއް ފޯރުކޮށްދިނުމަށް ޓަކައި ހަމަޖައްސަންޖެހޭ އިންތިޒާމުތައް ދެނެގަނެ، އެކަށައެޅުމަށް ޓަކައި ކޮންމެ 2 އަހަރަކުން 1 އަހަރު ސިލްސިލާކޮށް ބޭއްވޭ ކޮންފަރެންސެކެވެ. ފާއިތުވެދިޔަ ކޮންފަރެންސްތަކުގެ ސަބަބުން ލިބިގެންދިޔަ ފައިދާތަކާއި ކުރިއެރުން ފާހަގަކުރައްވަމުން، ޢިލްމީގޮތެއްގައި ދިރާސާކުރެވިގެން ކޮންފަރެންސްގައި ކުރެވޭ މަޝްވަރާތަކާއި ކުރިޔަށް ފިޔަވަޅުއެޅުމަށް ލިބޭ މަޢުލޫމާތަކުގެ ސަބަބުން، ސިވިލް ސަރވިސްގެ ކުރިއެރުމާއި ތަރައްޤީއަށް އަދި ސިވިލް ސަރވިސްގެ ޚިދުމަތަށް ބޮޑެތި ކުރިއެރުންތަކެއް ލިބިފައިވާކަން ވެސް ފާހަގަކުރެއްވިއެވެ.
މި ފަހުމުނާމާގެ ދަށުން ކޮންފަރެންސްގެ ލައިވް ކަވަރޭޖާއި، ސެޝަންތަކާއި، ޕީ.އެސް.އެމްގެ ބައެއް ޕްރޮގްރާމްތަކުން ކޮންފަރެންސާ ގުޅުންހުރި މަޢުލޫމާތުތަކާއި ކޮންފަރެންސް ޕްރޮމޯޓްކުރުމުގެ ގޮތުން ތައްޔާރުކުރާ ވީޑިއޯ ޕީ.އެސް.އެމް އެއަރ ޓައިމްގައި ގެނެސްދިނުމަށްވަނީ އެއްބަސްވެފައެވެ.
މި އަހަރުގެ ކޮންފަރެންސްގެ ޝިއާރަކީ:
"Future Ready Responsive Governance: Empower People, Embrace Agility, Enhance Services"
އަދި، މި ޝިޢާރުގެ ދަށުން މައިގަނޑު 08 ސުރުޚީއަކަށް ދިރާސާ ކަރުދާސް ހުށަހެޅުމަށްވަނީ ހުޅުވާލެވިފައެވެ. މި އަހަރުގެ މި ކޮންފަރެންސް ބޭއްވުމަށް ހަމަޖެހިފައިވަނީ ޖޫން މަހުގެ 7 އިން 9 އަށް މާލޭގައެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026