ފަސްވަނަ ސިވިލް ސަރވިސް ކޮންފަރެންސް، 2026 ވަނަ އަހަރުގެ ޖޫން 07 އިން 09 ބޭއްވުމަށް ވަނީ ހަމަޖެހިފައެވެ. މި ކޮންފަރެންސްފގެ ޝިޢާރަކީ، "ފިއުޗަރ – ރެޑީ ރެސްޕޮންސިވް ގަވަރނަންސް: އެމްޕަވަރ ޕީޕަލް، އެމްބްރޭސް އެޖިލިޓީ، އެންހޭންސް ސަރވިސަސް" އެވެ. މިއީ، ދިވެހި ސިވިލް ސަރވިސްއަށް ދިމާވެފައިވާ ގޮންޖެހުންތައް ދެނެގަނެ، ސިވިލް ސަރވިސްގެ ހިންގުން އިތުރަށް ހަރުދަނާކޮށް ތަރައްޤީކުރާނެ ގޮތްތަކެއް ތަދުބީރުކުރުމުގެ މަޤުޞަދުގައި، ސިވިލް ސަރވިސްގެ އިސްވެރިންނާއި ސިޔާސީ އިސްފަރާތްތައް ހިމެނޭގޮތަށް ކޮންމެ 2 އަހަރުން 1 އަހަރު ސިވިލް ސަރވިސް ކޮންފަރެންސްގެ ނަމުގައި ސިލްސިލާކޮށް ބާއްވަމުންގެންދާ ކޮންފަރެންސެކެވެ. މި ކޮންފަރެންސްގައި، 200 އަށް ވުރެ ގިނަ ބައިވެރިން، ސިވިލް ސަރވިސްގެ އެކި އިދާރާތަކުން ބައިވެރިވާނެއެވެ.
ފިއުޗަރ-ރެޑީ ރެސްޕޮންސިވް ގަވަރނަންސް: އެމްޕަވަރ ޕީޕަލް، އެމްބްރޭސް އެޖިލިޓީ، އެންހާންސް ސަރވިސަސް" މި ޝިޢާރުގެ މައްޗަށް ބިނާކޮށް ބާއްވާ ދިވެހި ސިވިލް ސަރވިސް ކޮންފަރެންސް 2026 އަކީ ސިވިލް ސަރވިސްގެ ދައުރު އަލުން ބައްޓަންކުރުމަށް އަޅާނެ އިސްތިރާޖީ ފިޔަވަޅެކެވެ. މި ކޮންފަރެންސް ބިނާވެފައިވަނީ ކުރީގެ ކޮންފަރެންސްތަކުން ލިބުނު ތަޖުރިބާއާއި ފިލާވަޅުތަކުގެ މައްޗަށާއި، އަދި ގަވަރނަންސްގެ ދާއިރާއިން ކުރިމަތިވާ އައު ގޮންޖެހުންތަކަށް ހައްލު ހޯދުމަށާއި، އައު ފުރުސަތުތައް ހޯދުމަށް ބޭނުންވާ ހުނަރުތަކާއި، އޮނިގަނޑުތަކާއި، ވިސްނުންތަކާ އެއްގޮތަށް ސިވިލް ސަރވިސްގެ ޚިދުމަތްތައް އެލައިންކުރުމުގެ މައްޗަށެވެ.
މި ކޮންފަރެންސްގައި ދިރާސާ ކަރުދާސް ހުށަހެޅުމުގެ ފުރުސަތު މިހާރުވަނީ ހުޅުވާލެވިފައެވެ. ދިރާސާ ކަރުދާހުގެ "އެބްސްޓްރެކްޓް ސަބްމިޝަން" މިހާރުވަނީ 30 ޑިސެންބަރު 2025 ވަނަ ދުވަހުގެ ނިޔަލަށް އިތުރުކުރެވިފައެވެ. ދިރާސާ ކަރުދާސް ހުށަހެޅުމުގެ ގައިޑްލައިން ސިވިލް ސަރވިސް ކޮމިޝަނުގެ ވެބްސައިޓުގެ ތިރީގައިވާ ލިންކުން ޑައުންލޯޑް ކުރެވޭނެއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026