އިންސާނީ ވަސީލަތް ބެލެހެއްޓުމަށާއި ހިންގުމުގެ ދާއިރާއިން ޕްރޮފެޝަނަލް ތަމްރީނުދޭ ސްރީލަންކާގެ މަރުކަޒެއް ކަމުގައިވާ ޗާރޓަޑް އިންސްޓިޓިއުޓް އޮފް ޕަރސަނޭލް މެނޭޖްމަންޓް އަށް ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް މިއަދު ޒިޔާރަތްކުރައްވަވައި އެތަނުގެ ވެރިންނާއި މަޝްވަރާކުރައްވައިފިއެވެ. މި މަޝްވަރާ ބައްދަލުވުމުގައި ސީ.އައި.ފީ.އެމް ގެ ފަރާތުން އިސްކޮށް ބައިވެރިވެވަޑައިގެންނެވީ އެ އިންސްޓިޓިއުޓްގެ ޕްރެޒިޑެންޓް މިސްޓަރ ދަމީކާ ފެނާންޑޯ އެވެ. އެބޭފުޅާއެކު އެ އިންސްޓިޓިއުޓްގެ އިސް ލެކްޗަރާއިންނާއި ވެރިންވެސް ބައިވެރިވެވަޑައިގަތެވެ.
މި މަޝްވަރާ ބައްދަލުވުމުގައި މަޝްވަރާކުރެވުނީ ދެ މުއައްސަސާގެ ދެމެދުގައި ގުޅުން ބަދަހިކޮށް މި އިންސްޓިޓިއުޓް އިން ހިންގާ ޕްރޮފެޝަނަލް ކޯސްތަކުގައި ފަސޭހައިން އަދި ޚަރަދުކުޑަކޮށް ދިވެހި ސިވިލް ސަރވަންޓުންނަށް ބައިވެރިކުރެވިދާނެގޮތުގެ މައްޗަށާއި، އަދި އެ އިންސްޓިޓިއުޓް އިން އިންސާނީ ވަސީލަތް ރާވައި، ޒަމާނީކޮށް ހިންގުމާގުޅޭގޮތުން ނެރެމުންދާ ދިރާސާތަކާއި، މިކަމުގައި ހޯދާފައިވާ މާހިރީ ތަޖްރިބާ ދިވެހި ސިވިލް ސަރވިސް އަށް ހިއްސާ ކުރެވިދާނެގޮތުގެ މައްޗަށެވެ.
ދެފަރާތުގެ ދެމެދުގައި ގުޅުން ބަދަހިކުރުމުގެ ގޮތުން ފަހުމުނާމާއެއް އެކުލަވާލުމަށް ކޮމިޝަނުގެ ރައީސް ހުށަހެޅުއްވެވި ހުށަހެޅުއްވުމަކަށް ސީ.އައި.ޕީ.އެމް އިން މަރުހަބާ ވިދާޅުވެ އަދި ކުރިއަށް އޮތްތާނގައި އެތަނުން އިންތިޒާމުކޮށް ބާއްވާނެ ބައިނަލްއަޤްވާމީ ކޮންފަރެންސް އަދި ވާރކްޝޮޕް ފަދަ ހަރަކާތްތަކުގައި ދިވެހި ސިވިލް ސަރވިސްގެ ފަރާތުން ބައިވެރިވުމަށް ދައުވަތު ދެއްވަވާނެކަމުގައި މި މަޝްވަރާ ބައްދަލުވުމުގައި އެތާނގެ ރައީސް ދަމީކާ ފެނާންޑޯ ވިދާޅުވިއެވެ. އަދި އެތަނުގެ ބައެއް ދިރާސާ ޕަބްލިކޭޝަންތައް ކޮމިޝަނުގެ ރައީސަށް ހަދިޔާކުރެއްވެވިއެވެ. ސީ.އައި.ޕީ.އެމް އިން ކޮމިޝަނަށް މަރުހަބާ ވިދާޅުވެ، ބޭނުންވާ ކަންކަމުގައި އެހީތެރިކަމާއި އެއްބާރުލުން ދެއްވަވާނެ ކަމުގައި ވިދާޅުވުމުން ކޮމިޝަނުގެ ރައީސް މިކަމަށްޓަކައި ޝުކުރުއަދާކުރެއްވެވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022