23 ޖަނަވަރީ 2020
![](/images/Posts/49/47adc2f3-27dc-4ac1-8871-993b85249e54_viber_image_2020-01-23_00-55-10-5-750x400.jpg)
ސްރީލަންކާގެ ވެރިރަށް ކޮލަމްބޯ އަށް ދަތުރުފުޅެއް ކުރައްވަމުން ގެންދަވާ ސިވިލް ސަރވިސް ކޮމިޝަން (ސީ.އެސް.ސީ) ގެ ރައީސް، ޑރ. އަލީ ޝަމީމް، ސްރީލަންކާގެ ޕަބްލިކް ސަރވިސް ކޮމިޝަނަށް ޒިޔާރަތް ކުރައްވައި، އެކޮމިޝަނުގެ ޗެއަރމަން، މިސްޓަރ ޑީ. ޑިސެނަޔަކަ އާއި ބައްދަލުކުރައްވައި ދެކޮމިޝަނުގެ ދެމެދުގައި ގުޅުން ބަދަހިކުރުމާ ގުޅޭގޮތުން މަޝްވަރާ ކުރައްވައިފިއެވެ.
އިއްޔެ ހެނދުނު ޕަބްލިކް ސަރވިސް ކޮމިޝަންގައި ބޭއްވުނު މި މަޝްވަރާ ބައްދަލުވުމުގައި ސްރީލަންކާގެ ޕަބްލިކް ސަރވިސް ކޮމިޝަނުގެ ޗެއަރމަން ވަނީ ސީ.އެސް.ސީގެ ރައީސަށް ހޫނު މަރުޚަބާއެއް ދަންނަވާފައެވެ. އަދި ދެ މުއައްސަސާގެ ގުޅުން ރަސްމީކުރުމުގެގޮތުން ފަހުމުނާމާއެއް އެކުލަވާލުމާ ބެހޭގޮތުން ވަނީ މަޝްވަރާކުރެވިފައެވެ. މީގެ އިތުރުން، ސާރކްގެ ގައުމުތަކުގެ މެދުގައި ސިވިލް ސަރވިސް އާ ބެހޭގޮތުން މަޢުލޫމާތާއި ތަޖްރިބާ ބަދަލުކޮށް ގުޅިގެން ތަރައްޤީ ހޯދުމަށް މަސައްކަތް ކުރުމަށްޓަކައި ބޭއްވޭ ސާރކް ކޮންފަރެންސް އޮފް ޕަބްލިކް/ސިވިލް ސަރވިސް ޗީފްސް ކޮންފަރެންސް މިއަހަރު ރާއްޖޭގައި ބޭއްވުމަށް މަސައްކަތް ކުރަމުންދާކަން ސްރީލަންކާގެ ޕަބްލިކް ސަރވިސް ކޮމިޝަނުގެ ޗެއަރމަން އަރިހުގައި ސީ.އެސް.ސީގެ ރައީސް ވަނީ ދަންނަވާފައެވެ. މިކަމަށް މަރުޙަބާ ވިދާޅުވެ، ސްރީލަންކާގެ ކޮމިޝަނުން މި ކޮންފަރެންސްގައި ބައިވެރިވާނެކަމުގެ ޔަޤީންކަން ވަނީ ދެއްވާފައެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023