29 ޖޫން 2019
ޕާކިސްތާނުގައި ޚިދުމަތުގައި ތިއްބެވި ސިވިލް ސަރވަންޓުންގެ ސަޚްސިއްޔަތު ދިރުވައި މަސައްކަތު ޤާބިލުކަން ކުރިއެރުވުމަށް އެންމެ ފުޅާދާއިރާއެއްގައި ކުރުކޯސްތައް ހިންގާ ސިވިލް ސަރވިސް އެކަޑަމީއިން އެތަނުގައި ހިންގާ ކޯސްތަކުގައި ތަމްރީނުވުމުގެ 2 ފުރުސަތު ދިވެހި ސިވިލް ސަރވަންޓުންނަށް އެރުވިދާނެ ކަމުގައި އެއެކަޑަމީގެ ޑިރެކްޓަރ މިސްޓަރ ޒުލްފިޤާރު ޔޫނުސް ވިދާޅުވެއްޖެއެވެ. މިހެން އޭނާ ވިދާޅުވީ 2 ވަނަ ފަހަރަށް އިއްޔެ އެ އެކަޑަމީއާއި ކޮމިޝަނާ އެކު ބޭއްވުނު މަޝްވަރާ ބައްދަލުވުމެއްގައެވެ. ޑިރެކްޓަރ މިސްޓަރ ޒުލްފިޤާރު ޔޫނުސް އިތުރަށް ވިދާޅުވެ ދެއްވެވީ މިއަހަރުގެ އޮކްޓޫބަރުގައި އެ އެކަޑަމީއިން ހިންގާ 6 މަހުގެ ކޯސްފެށޭނެކަމަށެވެ. އެކޯހުގައި ދިވެހި ސިވިލް ސަރވިސްގެ 2 ފަރާތަކަށް ބައިވެރިވެވޭނެގޮތް ވޭތޯބައްލަވާދެއްވާނެކަމުގައި ޑިރެކްޓަރ ވިދާޅުވިއެވެ.
ސިވިލް ސަރވިސް ކޮމިޝަނުގެ ރައީސް އެކަޑަމީއިން ދެއްވަވާ ދީލަތި އެހީތެރިކަމަށްޓަކައި ޑިރެކްޓަރ ޔޫނުސް އަށް ޝުކުރުއަދާ ކުރައްވަވައި، ދެ މުއައްސަސާގެ ދެމެދުގައި ހުށަހެޅިފައިވާ އެމް.އޯ.ޔޫ ނުވަތަ ފަހުމުނާމާ އަވަހަށް ގާއިމް ކުރުމަށް ބާރުއެޅުއްވެވިއެވެ. މީގެ އިޖާބައިގައި އެ އެކަޑަމީއިންވެސް ރާއްޖޭގައި ސިވިލް ސަރވިސްގެ ކަންކަން ބައްލަވާލެއްވުމަށް އަވަސް ފުރުސަތެއްގެ ތެރޭގައި ވަފުދެއް ހަމަޖެއްސޭތޯ ބައްލަވާނެކަމުގައި ޑިރެކްޓަރ ޔޫނުސް ވިދާޅުވިއެވެ.
އިއްޔެ އެކަޑަމީ އާއި ކޮމިޝަނާއެކު ބޭއްވުނު 2 ވަނަ މަޝްވަރާ ބައްދަލުވުމުގައި ކޮމިޝަނުގެ ރައީސްގެ އިތުރުން މެންބަރު އަލްއުސްތާޛް ޒަކަރިއްޔާ ހުސެއިނާއި، ސީ.އެސް.ޓީ.އައި ގެ ޑިރެކްޓަރ ފާތުމަތު ހަބީބާ ބައިވެރިވެވަޑައިގެންނެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026