27 ޖޫން 2019
![](/images/Posts/482/99533f81-e3d8-491b-b84a-af7418195a6a_viber_image_2019-06-26_17-26-02-750x400.jpg)
ޕާކިސްތާނުގެ ސަރުކާރުގެ ދައުވަތަކަށް މިހާރު ލާހޯރު ސިޓީ އަށް ޒިޔާރަތްކުރައްވަމުންގެންދަވާ ސިވިލް ސަރވިސް ގެ ވަފުދުގެ ބޭފުޅުން އިއްޔެ ޕާކިސްތާނުގެ ވާރޗުއަލް ޔުނިވަރސިޓީ އަށް ޒިޔާރަތް ކުރައްވަވައި ވަރަށް ކާމިޔާބު މަޝްވަރާތަކެއް ކުރައްވަވައިފިއެވެ. މީގެ ނަތީޖާ އެއްގެގޮތުން ދެފަރާތު ދެމެދު ގުޅުންބަދަހިކޮށް ސިވިލް ސަރވަންޓުންނަށް ޒަމާނީ ޓެކްނޮލޮޖީގެ ވަސީލަތްތަކާއިއެކު ދުރުގައި ތިބެގެންވެސް ތަމްރީނުނުވެވޭނެ ގޮތް މެދުވެރި ކޮށްދޭން ނުވަތަ ވަރޗުއަލް ލާނިން ގެ ވަސީލަތް ގާއިމް ކުރުމަށް އެހީވެދިނުމަށްޓަކައި ފަހުމުނާމާއެއްގައި ސޮއިކުރުމަށް ވަނީ އެއްބަސްވެވިފައެވެ. މިގޮތުން ކޮމިޝަނުގެ ވަފުދު ލާހޯރުން ފުރުމުގެ ކުރިން ހުކުރުދުވަހު މި ފަހުމުނާމާގައި ސޮއިކުރުމުގެ ކަންތައްކުރިއަށް ގެންދިއުމަށް ޔުނިވަރސިޓީއިން ވަނީ އެއްބަސްވެފައެވެ. މި ފަހުމުނާމާގެ ދެލިކޮޕީ އިސްވެ ހުށަހެޅީ ކޮމިޝަނުގެ ފަރާތުންނެވެ.
ޕާކިސްތާނުގެ ވާރޗުއަލް ޔުނިވަރސިޓީ އަކީ އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ ބޭނުންކޮށް ދުރުންދޭ ތަޢުލީމު ގެ ޚިދްމަތް އެންމެފުޅާދާއިރާ އެއްގައި ޕާކިސްތާނުގެ ރައްޔިތުންނަށް ފޯރުކޮށްދޭ ޔުނިވަރސިޓީއެވެ. މި ޔުނިވަރސިޓީގެ ކުރީގެ ރެކްޓަރ ވަނީ ރާއްޖެވަޑައިގެން ސިވިލް ސަރވިސް ޓްރެއިނިންގ އިންސްޓިޓިއުޓް އަށް ޒިޔާރަތްކުރައްވަވައި، އެތާނގައި މިހާރު ގާއިމު ކުރެވިފައިވާ ވާރޗުއަލް ލާނިންގ ކުލާސްރޫމް ބައްލަވާލައްވަވައި، މި ޚިދުމަތް އިތުރަށްފުޅާކުރެވިދާނެ ގޮތްތަކުގެ ލަފާ ކޮމިޝަނާ ހިއްސާކުރައްވަވާފައެވެ. ސީ.އެސް.ޓީ.އައި ގައި ވަރޗުއަލްކޮށް ތަމްރީނުދިނުން ހަރުދަނާކޮށް ތަފާތު ކޯސްތައް އުފައްދައި ދުރުންދޭ ތަޢުލީމްގެ އުޞޫލުން ހިންގުމަށް އެހީތެރިވެދެއްވާނެކަމުގައި އެ ޔުނިވަރސިޓީ ގެ ރެކްޓަރ ވަނީ ކޮމިޝަނުގެ ވަފުދާއެކު ބޭއްވެވި މަޝްވަރާ ބައްދަލުވުމެއްގައި ވިދާޅުވެފައެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023