20 ޖަނަވަރީ 2020
މިނިސްޓްރީ އޮފް ފޮރިން އެފެއަރޒް ގެ ޕަރމަނަންޓް ސެކްރެޓަރީ އަކަށް އަލްފާޟިލާ އާމިނަތު ޝިފާނާ މިއަދު ސިވިލް ސަރވިސް ކޮމިޝަނުން އައްޔަނުކުރައްވައިފިއެވެ. އަލްފާޟިލާ އާމިނަތު ޝިފާނާ ޕަރމަނަންޓް ސެކްރެޓަރީގެ މަޤާމަށް އައްޔަންކުރެއްވެވީ، މިކަމަށް މިއަދު ފޮރިން މިނިސްޓްރީގައި ބޭއްވުނު ރަސްމިއްޔާތެއްގައި ސިވިލް ސަރވިސް ކޮމިޝަނުގެ ނައިބު ރައީސް އަލްފާޟިލް ޝަހީދު މުހައްމަދެވެ. މި ރަސްމިއްޔާތު ޝަރަފްވެރިކޮށްދެއްވެވީ މިނިސްޓަރ އޮފް ފޮރިން އެފެއާޒް އޮނަރަބަލް އަބްދުﷲ ޝާހިދުއެވެ.
އަލްފާޟިލާ އާމިނަތު ޝިފާނާ އަކީ އިންޓަރނޭޝަނަލް އިސްލާމިކް ޔުނިވަރސިޓީ، މެލޭޝިއާ އިން މެނޭޖްމަންޓް ދާއިރާ އިން ފުރަތަމަ ޑިގްރީ ހާސިލް ކުރައްވަވައި އަދި ޔުނިވަރސިޓީ އޮފް ވޭލްސް އިން މާސްޓަރސް ޑިގްރީ ހާސިލްކުރައްވަވާފައިވާ ބޭފުޅެކެވެ. 1999 އިން ފެށިގެން އާމިނަތު ޝިފާނާ ވަނީ ސަރުކާރުގެ އެކި އެކި ދާއިރާގެ އެކިއެކި މަޤާމުތައް ފުރުއްވާފައެވެ. މިނިސްޓްރީ އޮފް ފޮރިން އެފެއާޒް އިން 2010 ވަނަ އަހަރު ވަކިވިއިރު ހުންނެވީ އެ މިނިސްޓްރީގެ ޑެޕިއުޓީ ޑިރެކްޓަރ އެއްގެ މަގާމުގައެވެ. 2010 އިން 2011 އަށް ސިވިލް ސަރވިސް ކޮމިޝަނުގެ އެސިސްޓެންޓް ލެކްޗަރަރ އެއްގެ މަގާމުގައި މަސައްކަތްކުރައްވާފައިވާއިރު، ސިވިލް ސަރވިސް ޓްރެއިނިންގ އިންސްޓިޓިއުޓް އުފެއްދުމުގައި ވެސް ޝިފާނާ ވަނީ މަސައްކަތްތަކެއް ކުރައްވާފައެވެ. މިނިސްޓްރީ އޮފް ފޮރިން އެފެއާޒްގެ ޕަރމަނަންޓް ސެކްރެޓަރީގެ މަގާމާ ޙަވާލުވުމުގެ ކުރިން މަސައްކަތްކުރީ މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް ގެ ޕަރމަނަންޓް ސެކްރެޓަރީގެ މަޤާމުގައެވެ.
މި ރަސްމިއްޔާތުގައި ވާހަކަފުޅުދައްކަވަމުން ކޮމިޝަނުގެ ނައިބު ރައީސް ވަނީ ދިވެހި ސިވިލް ސަރވިސްގެ ޤަވާއިދާއެއްގޮތަށް އަދި މިނިސްޓަރގެ ލަފަޔާއެކު މިނިސްޓްރީގެ މަސައްކަތްތައް ހިންގުވާ ދެއްވުމަށް އެދިވަޑައިގެންފައެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026