ސިވިލް ސަރވިސް ޓްރެއިނިންގ އިންސްޓްޓިއުޓް ގެ 2019 ވަނަ އަހަރުގެ ރިވިއު ސެޝަނެއް މިއަދު ކޮމިޝަނުގައި ކުރިއަށް ގެންގޮސްފިއެވެ. މިއަދު ސިވިލް ސަރވިސް ކޮމިޝަނުގެ މެންބަރުންނާއި އެކު ކުރިއަށް ގެންދެވުނު މި ރިވިއު ސެޝަނުގައި ސީ.އެސް.ޓީ.އައި ގެ ފަރާތުން އިސްކޮށް މި ސެޝަނުގައި ބައިވެރިވެވަޑައިގެން މަޢުލޫމާތު ދެއްވެވީ ސީ.އެސް.ޓީ.އައި ގެ ޑިރެކްޓަރ އަލްފާޟިލާ ފާތިމަތު ހަބީބާ އެވެ. މި ރިވިއު ސެޝަނުގައި މަޢުލޫމާތު ދެވުނު ކަންތައްތަކުގެ ތެރޭގައި މި އަހަރުގެ ޖަނަވަރީ މަހާއި ޖުލައި މަހުގެ ނިޔަލަށް 76 ޓްރެއިނިންގ ޕްރޮގްރާމް ކުރިއަށް ގެންގޮސްފައިވާ އިރު 2282 ސިވިލް ސަރވަންޓުންނަށް ވަނީ ޓްރެއިނިންގ ކުރިއަށް ގެންގޮސްފައެވެ. އަދި އަތޮޅު ތެރޭން 4 އަތޮޅަކު މުޅި ޖުމްލަ 14 ޕްރޮގްރާމް ޖުލައި މަހާ ހަމައަށް ހިންގާފައިވާއިރު 331 ބޭފުޅުންވަނީ މި ޓްރެއިނިންގ ތަކުގައި ވަނީ ބައިވެރިވެވަޑައިގެންފައެވެ.
މި އަހަރު ތެރޭގައި ސީ.އެސް.ޓީ.އައި އިން ވަނީ އަލަށް 11 ޓްރެއިނިންގ ޕްރޮގްރާމެއް ތައާރަފްކޮށްފައެވެ. އެގޮތުން ސީ.އެސް.ޓީ.އައި އިން މިހާރުވެސް ސަރޓްފިކެޓް ލެވެލް އާއި ޕްރީ-ޑިޕްލޮމާ އަދި ޑިޕްލޮމާ ލެވެލް ގެ ކޯސްތައް ދަނީ ކުރިއަށް ގެންދަވަމުންނެވެ. އަދި ސީ.އެސް.ޓީ.އައި އިން ވަނީ 13 އަތޮޅަކާ ޓްރެއިނިންގތައް ހިންގެވުމަށް އެމް.އޯ.ޔޫ އެއްގައި ސޮއިކުރައްވާފައެވެ. އެގޮތުން މި އެމް.އޯ.ޔޫ ގެ ދަށުން ރ.އަތޮޅު ގައި މިހާރުވެސް ޑިޕްލޮމާ އިން ޕަބްލިކް އެޑްމިނިސްޓްރޭޝަން އެންޑް މެނޭޖްމަންޓް ގެ ކޯސްތައް ދަނީ ކުރިއަށް ގެންދަމުންނެވެ.