ހެލްޕު ޔުނިވަރސިޓީގެ އިންޓަރނޭޝަނަލް އެންޑް މަރކެޓިންގ ގެ ސީނިއަރ މެނޭޖަރ މިސް ޓްރިލީ ސިއޯ އާއި ކޮމިޝަނުގެ ރައީސް ޑރ. އަލީ ޝަމީމް ބައްދަލުކުރައްވަވާ މަޝްވަރާކުރައްވައިފިއެވެ. މިއަދުގެ މި ބައްދަލުވުމުގައި ކޮމިޝަނުގެ ރައީސް ގެ އިތުރުން ސިވިލް ސަރވިސް ޓްރެއިނިންގ އިންސްޓިޓިއުޓް ގެ ޑިރެކްޓަރ އަލްފާޟިލާ ފާތިމަތު ހަބީބާ ވެސް ވަނީ ބައިވެރިވެވަޑައިގެންފައެވެ.
މިއަދުގެ މި ބައްދަލުވުމުގެ މައިގަނޑު ގޮތެއްގައި މަޝްވަރާކުރެވުނީ ހެލްޕް ޔުނިވަރސިޓީ އިން ފޯރުކޮށްދެމުންދާ ކުރު އަދި ދިގު މުއްދަތުގެ ޓްރެއިނިންގް ކޯސްތަކުގައި ބައިވެރިވުމުގެ ފުރުސަތު ދިވެހި ސިވިލް ސަރވަންޓުންނަށް ހޯދާ ދިނުމާ ގުޅޭގޮތުންނެވެ. އަދި ސީ.އެސް.ޓީ.އައި އާއި ހެލްޕް ޔުނިވަރސިޓީ އާ ދެމެދު ކުރިއަށް އޮތް މުސްތަޤްބަލުގައި ފަހުމުނާމާއެއްގައި ސޮއިކުރެވޭނެ ކަމުގެ އުއްމީދު ކުރައްވާ ކަމަށް ރައީސް ވިދާޅުވިއެވެ.