ދިވެހިރާއްޖޭ އަލުން އަނބުރާ ކޮމަންވެލްތު ޖަމްއިއްޔާގައި ބައިވެރި ކުރުމާގުޅޭގޮތުން ދެވަނަ ފަހަރަށް ދިރާސާ ކުރެއްވުމަށް މިހާރު ރާއްޖެ ވަޑައިގެން އުޅުއްވަވާ ވަފުދުގެ 4 ބޭފުޅުން އިއްޔެ ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު އާއި ބައްދަލުކުރައްވަވައި މަޢުލޫމާތު ސާފުކުރައްވަވައިފިއެވެ.
ސިވިލް ސަރވިސް ކޮމިޝަނުގައި ބޭއްވުނު މި ބައްދަލު ކުރެއްވުމުގައި ކޮމަންވެލްތުގެ ވަފުދުގެ ލީޑަރެއްގެ ގޮތުން ބައިވެރިވެވަޑައި ގެންނެވީ ކޮމަންވެލްތުގެ ގަވަރނަންސް އެންޑް ޕީސް ޑިރެކްޓޮރޭޓްގެ ޑިރެކްޓަރ ކަޓަލައިނާ ސަޕޮލޫ ((Katalaina Sapolu އެވެ.
މި ބައްދަލުކުރެއްވުމުގައި މައިގަނޑު ގޮތެއްގައި މައުލޫމާތު ސާފުކުރެއްވެވީ ގަވަރނަންސް ނުވަތަ މިނިވަން މުސްތަ÷÷ޣިއްލު މުއައްސަސާ އެއްގޮތުން ހިންގުން ހަރުދަނާކުރުމަށް ސިވިލް ސަރވިސްގެ ދާއިރާއަށް ގެނެވިފައިވާ ހެޔޮ އިސްލާހީ ބަދަލުތަކަކީ ކޮބައިކަމާއި އަދި މިހާރު ދިމާވެފައިވާ ގޮންޖެހުންތަކާއި އަދި މިގޮންޖެހުންތަކުން އަރާގަތުމުގައި އަމަލުކުރުމަށް ރާވަމުންދާ ގޮތަކީ ކޮބައިކަމެވެ. ސިވިލް ސަރވިސް ކޮމިޝަނުން ދިވެހިރާއްޖެ އަލުން ކޮމަންވެލްތުގައި ބައިވެރިވުމަށް ތާއިދުކުރާކަމަށާއި ޕަބްލިކް މެނޭޖްމަންޓް އަދި އެޑްމިނިސްޓްރޭޝަންގެ ކަންތަކުގައި އެހީތެރިވެދީ ފަންނީ އަދި މާހިރީ ތަޖްރިބާ ހިއްސާކުރާ ކޮމަންވެލްތުގެ ސަބްސިޑިއަރީ އޮގަނައިޒޭޝަނެއްކަމުގައިވާ ކެޕާމް ގެ ޖަމާއަތުގައި ސީ.އެސް.ސީ އިން އަލުން ބައިވެރިވެ ހަރަކާތްތެރިވާން ވަރަށް ބޭނުންވާ ކަމުގައި ކޮމަންވެލްތުގެ ވަފުދު ކިބައިގައި ދަންނަވާފައިވެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022