މި އޯގަސްޓު މަހުގެ 6 އިން އޯގަސްޓް 26 އަށް ޗައިނާގައި ބޭއްވުމަށް ހަމަޖެހިފައިވާ ސަރުކާރުގެ އިދާރީ ހިންގުމާއިބެހޭ ސެމިނަރގައި ބައިވެރިވުމަށް ސިވިލް ސަރވިސްގެ އެކި އެކި އިދާރާތަކުން ހޮވާލެވުނު 30 މުވައްޒަފުން ޗައިނާ އަށް މިއަދު ހަވީރު ފުރައިފިއެވެ.
މި ސެމިނަރއަކީ ޗައިނާގެ ސަރުކާރުން ހުރިހާ ޚަރަދެއް ދެއްވަވައިގެން ޗައިނާގެ ނަންޗެންގް ސިޓީގެ ސިވިލް ސަރވަންޓުން ތަމްރީނުކުރާ މަރުކަޒުކަމުގައިވާ ޖިއަންޒީ ކޮލެޖް އޮފް ފޮރިން ސްޓަޑީސްގެއިން ރާވައި އިންތިޒާމުކޮށްދިން ސެމިނަރއެކެވެ. މިއީ މި އަހަރު ބާއްވާ މިފަދަ 2 ވަނަ ސެމިނަރއެވެ. މި ސެމިނަރގައި މިފަހަރު 30 މުވައްޒަފުން ބައިވެރިވެ ވަޑައިގަންނަވާއިރު 21 ސިވިލް ސަރވަންޓުންނަކީ މާލެއިން ބޭރުގައި އަތޮޅުތެރޭގެ ރަށްތަކުގައި މަސައްކަތް ކުރަމުންގެންދާ ސިވިލް ސަރވަންޓުންކަން ފާހަނގަކޮށްލަންޖެހެއެވެ.