ދިވެހި ސިވިލް ސަރވިސްގެ 30 މުވައްޒަފުން ޗައިނާގެ ޝެންޙާއީ ސިޓީއަށް ދަތުރުކުރައްވައިފިއެވެ. މިދިޔަ ޖުލައި މަހުގެ 22 ން ފަށައިގެން މި އޯގަސްޓު މަހުގެ 11 ގެ ނިޔަލަށް ކުރިއަށް ގެންދާ ސެމިނަރ އޮފް ޕަބްލިކް މެނޭޖްމަންޓް ފޯރ ސިވިލް ސަރވަންޓްސް އޮފް މޯލްޑިވްސް ސެމިނަރގައި ބައިވެރިވާ ދިވެހި ސިވިލް ސަރވިސްގެ މުވައްޒަފުންދަނީ އުމްރާނީގޮތުން ޗައިނާ ހޯދާފައިވާ ކުރިއެރުންތަކައި މުއްސަނދި ޘަޤާފަތް ބަލާލައި ތަޖުރިބާ ހިއްސާކުރުމުގެގޮތުން މަޝްހޫރު ބިނާތަކާއި ތަންތަނަށް ޒިޔާރަތްކުރަމުންނެވެ. އެގޮތުން ޝެންޙާއީ ގައި ހުންނަ އޯސްޓްރޭލިއަން ނެޝަނަލް އެމްޕޯރިޔަމް އާއި ޝެންޙާއީ ފްރީޓްރޭޑް ޒޯން އަށް ވެސް ވަނީ ޒިޔާރަތްކޮށް އެތަނުގައި މަސައްކަތްތައް ކުރިއަށްދާގޮތުގެ މަޢުލޫމާތު މި ބައިވެރިންނަށް އަރުވާފައެވެ. މި ސެމިނަރ ގެ ބައިވެރިން މާދަމާ ބެއިޖިންގ އަށް ދަތުރުކުރުމަށްވަނީ ހަމަޖެހިފައެވެ.