04 އޯގަސްޓް 2019
މި އޯގަސްޓު މަހުގެ 06 އިން އޯގަސްޓް 26 އަށް ޗައިނާގައި ބޭއްވުމަށް ހަމަޖެހިފައިވާ ސަރުކާރުގެ އިދާރީ ހިންގުމާއިބެހޭ ސެމިނަރގައި ބައިވެރިވުމަށް ސިވިލް ސަރވިސްގެ އެކި އެކި އިދާރާތަކުން ހޮވާލެވުނު މުވައްޒަފުންނާއި ކޮމިޝަނުގެ ރައީސް ޑރ. ޢަލީ ޝަމީމް މިއަދު ބައްދަލުކުރައްވައިފިއެވެ. މި ސެމިނަރއަކީ ޗައިނާގައި ސިވިލް ސަރވަންޓުން ތަމްރީނުކުރާ މަރުކަޒުކަމުގައިވާ ޖިއަންޒީ ކޮލެޖް އޮފް ފޮރިން ސްޓަޑީސްގެއިން ރާވައި އިންތިޒާމުކޮށްދިން ސެމިނަރއެކެވެ. މިއީ މި އަހަރު ބާއްވާ މިފަދަ 2 ވަނަ ސެމިނަރއެވެ.
މި ސެމިނަރގައި މިފަހަރު 30 މުވައްޒަފުން ބައިވެރިވެވަޑައިގަންނަވާއިރު 21 ސިވިލް ސަރވަންޓުންނަކީ މާލެއިން ބޭރުގައި އަތޮޅުތެރޭގެ ރަށްތަކުގައި މަސައްކަތް ކުރަމުންގެންދާ ސިވިލް ސަރވަންޓުންނެވެ. ކޮމިޝަނުގެ ރައީސް ޓީމުގެ ބޭފުޅުންނާއި ބައްދަލުކުރައްވަވައި، އެ ބޭފުޅުން މި ސެމިނަރގައި ބައިވެރިވެ ވަޑައިގަތުމަށް ހޮވުނީތީ މަރުޙަބާ ވިދާޅުވެ ކާމިޔާބު އަދި ނިޔާމަދަތުރަކަށް ވުމަށް އެދިވަޑައިގަތެވެ. އަދި މި ސެމިނަރ އަށް ތައްޔާރުވެ ވަޑައިގަތުމުގެ ގޮތުން ސަމާލުކަން ދެއްވަންވީ ކަންކަމާއި، އަދި ސެމިނަރގެ ބޭނުން ފުރިހަމައަށް ހިއްޕެވުމަށްޓަކައި ސަމާލުވެވަޑައިގަންނަވަންވީ ކަންކަމުގެ މަޢުލޫމާތު ބައިވެރިންނާއި ހިއްސާކުރެއްވެވިއެވެ. މި ވަފުދުގެ އިސްފަރާތެއްގެ ގޮތުގައި ހަރަކާތްތެރިވަނީ މިނިސްޓްރީ އޮފް އާރޓްސް، ކަލްޗަރ އެންޑް ހެރިޓޭޖް ގެ ޑިރެކްޓަރ ޖެނެރަލް އަލްފާޟިލާ ހައްވާ ނަޒްލާ އެވެ.
ސެމިނަރ އޮން ޕަބްލިކް އެޑްމިނިސްޓްރޭޝަން ފޯ ސިވިލް ސަރވަންޓްސް އޮފް މޯލްޑިވްސް' ގެ ނަމުގައި މި ސެމިނަރގައި ޗައިނާގެ ސަރުކާރު ރޭވި ހިނގާގޮތުގެ މައްޗަށާއި، ޝަރުޢީ އަދި އިޤްތިސާދީ، އިޖްތިމާޢީ ސިވިލް ސަރވިސްގެ ކަންކަން ރޭވި ހިނގާގޮތުގެ މަޢުލޫމާތާއި، ޗައިނާގެ ތަރައްޤީއާބެހޭ މަޢުލޫމާތު ދިނުން ހިމެނިފައިވެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022