ބައިނަލްއަޤްވާމީ ގޮތުން ފާހަގަ ކުރަމުން އަންނަ ޑިމޮކްރަސީ ދުވަސް ފާހަގަ ކުރުމުގެ ގޮތުން އިލެކްޝަންސް ކޮމިޝަނުގެ ފަރާތުން " ޑިމޮކްރެސީ ރަން 2019" ގެ ނަމުގައި ބޭއްވި ދުވުމުގައި ސިވިލް ސަރވިސް ކޮމިޝަނުން ބައިވެރިވެވަޑައިގެންފިއެވެ. މި ގޮތުން ސިވިލް ސަރވިސް ކޮމިޝަނުގެ ފަރާތުން އިސްކޮށް މި ދުވުމުގައި ބައިވެރިވެވަޑައިގެންނެވީ ކޮމިޝަނުގެ ރައީސް ޑރ. އަލީ ޝަމީމެވެ. ހުޅުމާލެ ސެންޓްރަލް ޕާކް ސަރަހައްދުގައި މިއަދު ހެނދުނު 06:30 އިން 09:00 އަށް ކުރިއަށް ގެންދެވުނު މި ދުވުމުގައި ސަރުކާރުގެ ބައެއް ވަޒީރުންނާއި، މިނިވަން މުއައްސަސާތަކުގެ ވެރިންނާއި ސަރުކާރުގެ އޮފީސްތަކުގެ އިތުރުން އާންމުން ވެސް ވަނީ ބައިވެރިވެވަޑައިގެންފައެވެ. ޑިމޮކްރަސީ ދުވަސް ފާހަގަ ކުރުމުގެ ގޮތުން އިލެކްޝަން ކޮމިޝަނުން އަންނަނީ ކޮންމެ އަހަރަކުވެސް “ޑިމޮކްރަސީ ރަން” ބާއްވަމުންނެވެ.