މި ސެޕްޓެންބަރު މަހުގެ 16 އިން 27 އަށް އިންޑިއާގެ ސެންޓަރ ފޯ ގުޑް ގަވަރނަންސް ގެ ފަރާތުން ދިވެހި ސިވިލް ސަރވަންޓުންގެ 29 ފަރާތަކަށް ހިންގި ތަމްރީނު ޕްރޮގްރާމްގެ ނިންމުން ފާހަނގަކޮށް ބައިވެރިންނަށް އިއްޔެ ހަދާނީ ލިއުން ދެއްވައިފިއެވެ. މި ރަސްމިއްޔާތު ޝަރަފްވެރިކޮށްދެއްވީ މިނިސްޓަރ ޕަރސަނެލް، ޕަބްލިކް ގްރީވެންސަސް އެންޑް ޕެންޝަންސް މިސްޓަރ ޖީތެންދުރަ ސިންގް އެވެ.
މި ރަސްމިއްޔާތުގައި ކޮމިޝަނުގެ ރައީސް ޑރ. އަލީ ޝަމީމާއި އިންޑިއާގައި ހުންނަވާ ދިވެހި ސަފީރު މިސް އައިޝަތު މުޙައްމަދު ދީދީ ބައިވެރިވެވަޑައިގެންނެވިއެވެ.
އިއްޔެ ބޭއްވުނު ރަސްމިއްޔާތުގައި ކޮމިޝަނުގެ ރައީސް ޑރ. އަލީ ޝަމީމް ބައިވެރިންނާއި މުޚާތަބްކޮށް ވާހަކަފުޅުދެއްކެވިއެވެ. އަދި ދިވެހި ސަފީރުވެސް މި ރަސްމިއްޔާތުގައި ދިވެހި ބައިވެރިންނަށް މުޚާތަބްކޮށް ވާހަކަދެއްކެވިއެވެ. ރައީސްގެ ވާހަކަފުޅުގައި އިންޑިއާގައި ހިލޭ އެހީގެދަށުން ހިންގޭ ތަމްރީނުތަކުގެ ބޭނުންތެރިކަމާއި ގުޅޭގޮތުންނާއި އަދި އިންޑިއިއާ ރާއްޖެ އާއި ދެމެދު އޮތް ބަދަހިގުޅުމުގެ މައްޗަށް އަލިއަޅުއްވާލެއްވެވިއެވެ. މިގޮތުން އިންޑިއާގައިދެވޭ ތަމްރީނު ތަކުގެ ސަބަބުން ދިވެހި ސަރުކާރަށާއި މުވައްޒަފުންނާކުރާ ފައިދާގެ މައްޗަށް ބައްލަވައިލައްވައި މި ޕްރޮގްރާމަކީ ކާމިޔާބު ޕްރޮގްރާމަކަށް ދެވެން އޮތް ފުރިހަމަ އެއްބާރުލުމެއް ދެއްވާނެކަމުގައި ފާހަގަކުރެއްވެވިއެވެ.
ޝަރަފްވެރި މެހުމާނެއްގެ ގޮތުން ޑރ. ޖީތެންދުރަ ސިންގް ވެސް ބައިވެރިންނާއި މުޚާތަބްކުރައްވަވައި ހިތްވަރުދެއްވަވައި ވާހަކަފުޅު ދެއްކެވިއެވެ. އަދި މި ޕްރޮގްރާމަކީ ވަކި ކަހަލަ މަޢުލޫމާތުތަކެއް ވަކި ބައެއްގެ މައްޗަށް ދަސްކުރުވަން ބާރުއެޅޭ ޕްރޮގްރާމެއްނޫން ކަމަށާއި، ނަމަވެސް 2 ގައުމު ސިވިލް ސަރވަންޓުން އެއްބަޔަކު އަނެއްބަޔަކު ކިބައިން ކަންކަން ދަސްކުރުމަށްދެވޭ ރަނގަޅު ފުރުސަތެކެވެ.