27 ސެޕްޓެމްބަރ 2019
![](/images/Posts/420/a764cc07-cdf5-4863-9c37-8b8b3d54d0d5_70927322_380647346205548_5721088629468561408_n-750x400.jpg)
ދިވެހި ސިިވިލް ސަރވިސްގެ 29 މުވައްޒަފަކަށް އިންޑިއާގެ ނެޝަނަލް ސެންޓަރ ފޯރ ގުޑް ގަވަރނަންސް ގެ ފަރާތުން މިހާރު ހިންގަމުންގެންދާ ތަމްރީނު ޕްރޮގްރާމެއްގައި ބައިވެރިވެވަޑައިގަތުމަށް މިވަގުތު ނިއުދިއްލީގައި ހުންނެވި ސިިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް ރާއްޖެވެސް އެ ޔުނިވަރސިޓީ ގެ ފައުންޑަރ ނުވަތަ މުއައްސިސެއްގެ ގޮތުން ހިމެނޭ ސައުތް އޭޝިއަން ޔުނިވަރސިޓީ އަށް އިއްޔެ ޒިޔާރަތް ކުރައްވަވައި އެތާނގެ ރައީސް ޑރ. ކަވިތާ އޭ ޝަރުމާ އާ ބައްދަލުކުރައްވަވައި އެ ޔުނިވަރސިޓީ އިން ދިވެހި ސިވިލް ސަރވަންޓުންނަށް ކިއެވުމުގެ ފުރުޞަތު ހޯދާދިނުމާ ގުޅޭގޮތުން މަޝްވަރާކުރައްވައިފިއެވެ.
މިވަގުތު މި ޔުނިވަރސިޓީ ގައި ކިޔަވާދޭ ލެކްޗަރައަކަށްވެސް އެއްވެސް ދިވެހި ބޭފުޅަކު ލިބިފައިނުވާކަމަށާއި އަދި ދަރިވަރެއްވެސް ނެތްކަމުގައި މި ބައްދަލު ކުރެއްވުމުގައި ދެންނެވިއެވެ. ނަމަވެސް، މި ޔުނިވަރސިޓީ އުފެއްދި މެންބަރެއްގެ ހައިސިއްޔަތުން ދިވެހިރާއްޖެއަށް 5 އިންސައްތައިގެ ކޯޓާއެއް ހަމަޖެހިފައިވާކަމަށާއި، ޔުނިވަރސިޓީ އަށް ވަނުމަށް ދެވޭ އިމްތިހާނުން ފާސްވާ ދިވެހި ދަރިވަރުންނަށް މާސްޓާރސް އާއި ޕީއެޗްޑީ ފެންވަރަށް ކިޔެވުމުގެ ފުރުސަތު ސްކޯލަރޝިޕް ދަށުން ހަމަޖެހެން އޮތް ކަމުގައިވެސް ޔުނިވަރސިޓީގެ ރައީސް ޑރ. ކަވީތާ ކޮމިޝަނުގެ ރައީސަށް މަޢުލޫމާތު ހިއްސާކުރެއްވެވިއެވެ.
ސައުތު އޭޝިއަން ޔުނިވަރސިޓީ އާއި ސިވިލް ސަރވިސް ކޮމިޝަނާ ދެމެދު ގުޅުން ބަދަހިކުރުމަށްޓަކައި ފަހުމުނާމާއެއް އެކުލަވާލުމަށް އިއްޔެ ބޭއްވުނު ބައްދަލުކުރުމުގައި އެއްބަސްވެވިފައިވެއެވެ. އަދި ކޮމިޝަނުގެ ފަރާތުން މަސައްކަތްކޮށް މި ޔުނިވަރސިޓީގައި ލިބެންހުރި ކިއެވުމުގެ ފުރުސަތުގެ ބޭނުން ދިވެހި ސިވިލް ސަރވަންޓުނަށް ކުރެވޭނެގޮތް ހަމަޖެއްސޭތޯ މަސައްކަތް ކުރައްވާނެކަމުގައި ކޮމިޝަނުގެ ރައީސް ޔުނިވަރސިޓީގެ ބޭފުޅުންނަށް ދެންނެވިއެވެ. ސައުތު އޭޝިއަން ޔުނިވަރސިޓީ އަކީ ޕޯސްޓްގުރެޖުއޭޓްގެ ޑިގްރީ ތަކަށް ކިޔަވައިދޭ 7 އަހަރުވެފައިވާ ޔުނިވަރސިޓީއެކެވެ. ނިއުދިއްލީގައި ހުންނަ މި ޔުނިވަރސިޓީ އަކީ ސާރކް ގެ 8 ގައުމުން ހިންގާ ޔުނިވަރސިޓީއެކެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023