25 ސެޕްޓެމްބަރ 2019
![](/images/Posts/418/439f209c-908a-43c0-b76b-ff2cedeb774d_70687990_2421294328198101_1013411260206678016_n-2-750x385.jpg)
އިންޑިއާ ގެ ނެޝަނަލް ސެންޓަރ ފޯރ ގުޑް ގަވަރނަންސް ގެ ފަރާތުން ދިވެހި ސިިވިލް ސަރވިސް ގެ މުވައްޒަފުންނަށް އިންޑިއާގައި ކުރިއަށްގެންދާ ތަމްރީނު ޕްރޮގްރާމް ގައި ބައިވެރިވެވަޑައިގަތުމަށް މިހަރު ނިއުދިއްލީގައި ހުންނެވި ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް އިންޑިއާގެ މިނިސްޓްރީ އޮފް ޕަރސަނަލް ޕަބްލިކް ގްރިވިއަންސަސް އެންޑް ޕެންޝަންގެ ސެކެޓްރީ މިސްޓަރ ކޭ.ވީ. އީޕެން އާއި ބައްދަލުކުރައްވަވައި މަޝްވަރާކުރައްވައިފިއެވެ. މިއަދު ބޭއްވުނު މި ބައްދަލުވުމުގައި ސިވިލް ސަރވިސްގެ މުވައްޒަފުންނަށް ކުރިއަށްގެންދެވޭ ތަމްރީނު ޕްރޮގްރާމް އިތުރަށް ހަރުދަނާކުރުމާއި ދެފަރާތު ދެމެދުގައި ދިވެހި ސިވިލް ސަރވިސްގެ ގާބިލްކަން އިތުރުކޮށް ޒަމާނީކުރުމަށް އެހީތެރިވެވިދާނެ އިތުރުކަންކަމާގުޅޭ ގޮތުން މަޝްވަރާކުރެވުނެވެ.
މިގޮތުން މަޢުލޫމާތު ބަދަލުކުރުމާއި ގުޅިގެން ކޮންފަރެންސް އަދި ވާރކްޝަޕްފަދަ ހަރަކާތްތައް ބޭއްވުމާގުޅޭ ގޮތުން ވާހަކަ ދެއްކެވިއެވެ. އަދި އީ ގަވަރނަންސް އާއި ގުޑް ގަވަރނަންސް ގެ ދާއިރާ އާ ގުޅޭ 2 ކޮންފަރެންސް އެއް ރާވާއި އިންތިޒާމް ކުރުމާގުޅޭގޮތުން މަޝްވަރާ ކުރެއްވެވިއެވެ. އަދި ރާއްޖޭގައި ސިވިލް ސަރވިސް ޓްރެއިނިންގ އިންސްޓިޓިއުޓް ގައި އެން.ސީ.ޖީ.ޖީ ގެ ލެކްޗަރުން ވަޑައިގެން ބައެއް ކަހަލަ ތަމްރީނުތައް ސިވިލް ސަރވަންޓުންނަށް ބޭއްވުމާ ގުޅޭގޮތުންވެސް މިއަދުގެ ބައްދަލުވުމުގައި މަޝްވަރާކުރެއްވެވިއެވެ.
މިއަދު ބޭއްވުނު މަޝްވަރާ ބައްދަލުވުމުގައި ކޮމިޝަނުގެ ރައީސްގެ އިތުރުން އިމާދުއްދީން ސްކޫލްގެ ޕްރިންސިޕަލް އަލްފާޟިލް އިބްރާހިމް ޝާތިރު އާއި ތާޖުއްދީން ސްކޫލްގެ ޕްރިންސިޕަލް އަލްފާޟިލާ ފާތިމަތު ބަޝީރާ ވެސް ބައިވެރިވެވަޑައިގެންނެވިއެވެ. އިންޑިއާގެ ޕަރސަނޭލް މިނިސްޓްރީ ނުވަތަ މުވައްޒަފުންނާ ބެހޭ މިނިސްޓްރީގެ ސެކެޓްރީގެ އަރިހުގައި، އެ މިނިސްޓްރީގައި އެޑްމިނިސްޓްރޭޓިވް ރިފޯރމްސް އެންޑް ޕަބްލިކް ގްރީވިއެންސަސް ގެ އެޑިޝަނަލް ސެކެޓްރީ މިސްޓަރ ވީ.ސްރީނިވާސް އާއި ޕްރޮފެސަރ ޕޫނަމް ސިންގް (އެން.ސީ.ޖީ.ޖީ) ބައިވެރިވެވަޑައިގެންނެވިއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023