25 ސެޕްޓެމްބަރ 2019
![](/images/Posts/417/3ce8acb6-ca71-4622-9830-750438ae315e_71707842_392291198124126_3019907401215115264_n-750x400.jpg)
އިންޑިއާގެ ނެޝަނަލް ސެންޓަރ ފޯ ގުޑް ގަވަރނަންސް ގެ ފަރާތުން ދިވެހި ސިވިލް ސަރވިސްގެ 29 މުވައްޒަފުންނަށް މިހާރު ނިއު ދިއްލީގައި ކުރިއަށްގެންދާ ތަމްރީނުގެ ތެރެއިން ތަޖްރިބާ ހޯދުމުގެ ގޮތުން 2 މަރުކަޒަކަށް މިއަދު ޒިޔާރަތްކޮށް އެތަންތާނގައި މަސައްކަތް ކުރެވޭގޮތާއި، އާންމު ރައްޔިތުންނަށް ހިދުމަތް ދިނުމުގައި ހޯދާފައިވާ ކުރިއެރުންތަކާ ގުޅޭގޮތުން މަޢުލޫމާތު ހޯދައިފިއެވެ.
މިގޮތުން ދިވެހި ސިވިލް ސަރވަންޓުން ފުރަތަމަ ޒިޔާރަތްކުރީ ބައޯމެޓްރިކް އައިޑެންޓިފިކޭޝަން ކާރޑް ހައްދާދޭ އިދާރާކަމުގައިވާ، ޔުނީކް އައިޑެންޓިފިކޭޝަން އޮތޯރިޓީ އޮފް އިންޑިއާ އަށެވެ. މިތަނުގައި ލޮލުގެ ކަޅި ބޭނުންކޮށް އަދި އިނގިލީގެ ނިޝާން ބޭނުންކޮށް އިންޑިއާގެ ރައްޔިތުންނަށް ކާކުކަން އަންގައިދޭ ކާޑް ޒަމާނީކޮށް ޑިޖިޓަލް ވަސީލަތުން ހިލޭ ހަދާދޭ ގޮތާއި އެކަން ކުރެވެމުންދާ ފަސޭހަ އަދި އަވަސްގޮތްތައް ތަމްރީނުވަމުންދާ ދިވެހި ސިވިލް ސަރވަންޓުންނަށް އޮޅުންފިލުވާދިނެވެ. މި ކާރޑަށް އިންޑިއާގައި ދީފައިވާ ނަމަކީ " އަދްހާރު" އެވެ. މި ކާރޑް ހަދާދެވުމުން ވަރަށް ގިނަ ރައްޔިތުންނަށް ބޭންކްފަދަ އަދި ކަރަންޓާއި ފެނާއި ގޭސް ބޭނުންކުރުމުގެ ޚިދުމަތްތަކަށް ފަސޭހައިން ރަޖިސްޓްރީ ވެވި އަދި ޝަހުސު އޮޅުވާލުމުން އެއްކިބާ ކުރެވެއެވެ. މި މަސައްކަތުގެ ސަބަބުން 11 ބިލިއަން ޑޮލަރު އިންޑިއާގެ ސަރުކާރަށް ސަލާމަތް ކުރެވިފައިވާ ކަމުގައި އެ މަރުކަޒުން ހާމަކޮށްފައިވެއެވެ.
ދެވަނަ ތަނަކަށް މިއަދު ޒިޔާރަތްކޮށްފައިވަނީ ކުއްލި ނުރައްކާތެރި ކަންކަން ދިމާވުމުން އެކަންކަމަށް އިޖާބަދީ ސަލާމަތްތެރިކަން ފޯރުވާދިނުމުގެ މަސައްކަތް ރާވައި ހިންގާ ނެޝަނަލް ޑިޒާސްޓަރ މެނޭޖްމަންޓް އޮތޯރިޓީ އަށެވެ. މި މަރުކަޒުގައި ގުދުރަތީ މުސީބާތްތަކާއި ކުއްލި ނުރައްކަލުގެ ހާލަތުގައި ކަންކަމަށް ވަގުތުން އިޖާބަދިނުމަށް ރޭވި މަސައްކަތް ކުރެވޭގޮތާއި ހާލުގައި ޖެހޭފަރާތްތަކަށް އެހީ ފޯރުވާދޭގޮތާއި، މިފަދަ ހާދިސާތަކުން ރައްކާވެތިބޭނެ ގޮތުގެ މަޢުލޫމާތާއި މިކަމުގެ ތަޖްރިބާ ދިވެހި ބައިވެރިންނަށް ހިއްސާކުރިއެވެ. އަދި މީގެ އިތުރުންވެސް މި ބައިވެރިން ވަނީ އާގަރާގައި ހުންނަ ދުނިޔޭގެ 7 އަޖައިބު ގެ ތެރެއިން ހިމެނޭ އެއް އަޖައިބު ކަމުގައިވާ ތާޖް މަހަލް އަށްވެސް ޒިޔާރަތްކުރައްވާފައެވެ. އަދި ނިއު ދިއްލީގެ ޕަރލިމެންޓް އޮފީހާއި ނެޝަނަލް ވޯރ މެމޯރިއަލް އަދި އިންޑިއާ ގޭޓު ބަލާލުމުގެ ފުރުސަތު ވެސް ވަނީ ލިބިގެންގޮސްފައެވެ.
މި ދެމަރުކަޒަށް ދިވެހި ސިވިލް ސަރވިސްގެ މުވައްޒަފުން ޒިޔާރަތް ކުރުމުން ހޫނު މަރުހަބާއެއް ކިޔައި، އަދި އެފަރާތްތަކުގެ ސުވާލުތަަކަށް ޖަވާބުދީ ކަންކަން ކުރެވޭގޮތުގެ މަޢުލޫމާތު އޮޅުންފިލުވައިދީފައިވެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023