ސިވިލް ސަރވިސް ކޮމިޝަނުގެ ސެކްރެޓަރީ ޖެނެރަލް ޑރ. އިބްރާހިމް ޒުހުރީ އިއްޔެ މަގާމުން އިސްތިޢުފާ ދެއްވައިފިއެވެ. އެބޭފުޅާ ސިވިލް ސަރވިސް ކޮމިޝަނުގެ ސެކްރެޓަރީ ޖެނެރަލް ކަމަށް އައްޔަނު ކުރެވުނީ 12 އެޕްރީލު 2018 ގަ އެވެ. ސެކްރެޓަރީ ޖެނެރަލް އިސްތިއުފާ ދެއްވުމާއި ގުޅިގެން އިއްޔެ ހެނދުނު ސިވިލް ސަރވިސް ކޮމިޝަނުގެ މުވައްޒަފުން ވަނީ އަލްވަދާއު ކިޔުއްވުމުގެ ގޮތުން ކުޑަ ރަސްމިއްޔާތެއް ބާއްވާފައެވެ.
މި ވަގުތު ސިވިލް ސަރވިސް ކޮމިޝަނުގެ ސެކްރެޓަރީ ޖެނެރަލް ކަމުގެ މަގާމާއި ވަގުތީ ގޮތުން ހަވާލުވެގެން ހުންނެވީ ކޮމިޝަނުގެ ޑިރެކްޓަރ ޖެނެރަލް އަލްފާޟިލް އަބްދުﷲ ސަޢީދުއެވެ.