06 އޮކްޓޯބަރ 2019
ލިޔެކިޔުމުގައި "އެޓެސްޓޭޝަން" ނުވަތަ "ޓްރޫ ކޮޕީ އޮފް ދަ އޮރިޖިނަލް" ތައްގަނޑުޖެހުމާ ގުޅޭ ގޮތުން މިއަދު ސިވިލް ސަރވިސް ކޮމިޝަނާއި ދިވެހިރާއްޖޭގެ ބާ ކައުންސިލުން ބައްދަލުކުރައްވަވައި މަޝްވަރާކުރައްވައިފިއެވެ. މިއަދުގެ މި ބައްދަލުވުމުގެ މައިގަނޑު މަޤްސަދަކީ ޤާނޫނު ނަންބަރު 2019/5 ގެ 72 ވަނަ މާއްދާގައި ދިވެހިރާއްޖޭގައި ޕަބްލިކް ނޯޓަރީއެއްގެ ގޮތުގައި މަސައްކަތްކުރެވޭނީ އަދި އަސްލާ އެއްގޮތްކަމަށް ތައްގަނޑު ޖެހޭނީ މި ޤާނޫނުގެ ދަށުން ހަދާ ޤަވާއިދުގައި ބަޔާންކުރާ ޝަރުތުތައް ފުރިހަމަވާ ޤާނޫނީ ވަކީލުންނަށް ކަމުގައި ބަޔާންކުރާތީވެ މިކަމާއި ގުޅިގެން ނުކުމެދާނެ ނަތީޖާތަކާމެދު މަޝްވަރާކުރުމެވެ.
މިއަދުގެ ބައްދަލުވުމުގައި މި ޤާނޫނު ގެޒެޓްކުރެވުމާއެކު ބާ ކައުންސިލް އަށް ފުރިހަމަ އެއްބާރުލުމާއި އެހީތެރިކަން ދެއްވާނެކަމަށް ކޮމިޝަނުން ވަނީ ދަންނަވާފައެވެ. މިއަދުގެ މި ބައްދަލުވުމުގައި ކޮމިޝަނުގެ ފަރާތުން އިސްކޮށް ބައިވެރިވެވަޑައިގެންނެވީ ކޮމިޝަނުގެ ރައީސް ޑރ. އަލީ ޝަމީމް އާއި ކޮމިޝަނުގެ މެމްބަރު އަލްއުސްތާޛު ޒަކަރިއްޔާ ޙުސައިން އެވެ. ބާ ކައުންސިލްގެ ފަރާތުން މި ބައްދަލުވުމުގައި އިސްކޮށް ބައިވެރިވެވަޑައިގެންނެވީ ބާ ކައުންސިލްގެ މެމްބަރު އަލްއުސްތާޛް އަޙްމަދު މުއީޒް އާއި ސެކްރެޓަރީ ޖެނެރަލް އަލްއުސްތާޛާ މަރްޔަމް ޖަބީން އެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022