ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް މިއަދު ސިވިލް ސަރވިސް ޓްރެއިނިންގ އިންސްޓިޓިއުޓް އިން ހިންގާ ޑިޕްލޮމާ ކޯހުގެ ބައިވެރިންނާ ބައްދަލުކުރައްވައިފިއެވެ. މިއަދު ސީ.އެސް.ޓީ.އައި ގަ ކުރިއަށް ގެންދެވުނު މި ބައްދަލުވުމުގެ މައިގަނޑު މަޤްސަދަކީ ސީ.އެސް.ޓީ.އައި އިން ކުރިއަށް ގެންދާ ޑިޕްލޮމާ ކޯހާއި ގުޅިގެން އެ ކޯހުގެ ދަރިވަރުންގެ ހިޔާލު ހޯއްދެވުމާއި މަޝްވަރާކުރެއްވުމެވެ. ކޮމިޝަނުގެ ރައީސްގެ ވާހަކަފުޅުގައި އާ އީޖާދީ އަދި އީޖާބީ ގޮތްތައް ހޯދައި ބަލައި އެގޮތްގޮތަށް އަބަދުވެސް މަސައްކަތްކުރުމަށް ހިތްވަރުދެއްވެވިއެވެ. އަދި ކުރިއަށްއޮތްތާނގައި ފެންވަރު ރަނގަޅު ކޯސްތަކެއް ބޭއްވުމަށް ރާވަމުންދާކަމުގައިވެސް ވަނީ ދަންނަވާފައެވެ.