13 އޮކްޓޯބަރ 2019
ޑައިބެޓިކް ސޮސައިޓީ އޮފް މޯލްޑިވިސް ގެ ފަރާތުން ދިވެހި ސިވިލް ސަރވިސްގެ މުވައްޒަފުންގެ މެދުގައި ހަކުރުބައްޔާއި އަދި މަސައްކަތާާއި ދިރިއުޅުން އެއްހަމައެއްގައި ގެންދާނެގޮތުގެ މައްޗަށް ހޭލުންތެރިކުރުމާގުޅޭގޮތުން މަޝްވަރާކުރައްވަވައިފިއެވެ. ޑައިބެޓިކް ސޮސައިޓީގެ ފަރާތުން މި މަޝްވަރާ ބައްދަލުވުމުގައި އިސްކޮށް އިންނެވީ ޗީފް އެގްޒެކެޓިވް އޮފިސަރ އަލްފާޟިލާ އާއިޝަތު ޝިރުހާނާ އެވެ. އަދި އޭގެ އިތުރުން މިނިސްޓްރީ އޮފް ހެލްތުގެ ފަރާތުންވެސް ވަނީ ބޭފުޅަކު މި ބައްދަލުކުރެއްވުމުގައި ބައިވެރިވެވަޑައިގެންފައެވެ.
މިއަދު ބޭއްވުނު ބައްދަލުވުމުގައި ޑައިބެޓިކް ސޮސައިޓީގެ ފަރާތުން ސިވިލް ސަރވިސްގެ އިދާރާތަކުގައި ހެލްތު އިންސްޕެކްޓަރުންގެ ގޮތުގައި ބަޔަކު ތަމްރީނުކޮށްބޭ ތިއްބުމަށް އެހީތެރިވެދިނުމަށް ހުށަހެޅުއްވެވިއެވެ. އަދި ސިވިލް ސަރވަންޓުންނަށް މަޢުލޫމާތު ދިނުމުގެ ހަރަކާތެއް އިންތިޒާމް ކުރުމާގުޅޭގޮތުންވެސް މަޝްވަރާކުރެވުނެވެ. މީގެ އިތުރުން ކޮމިޝަނުން ބާއްވާ ހަފްލާތަކުގައި ހަކުރު އަޅާފައިހުންނަ ލުއިބުއިންތައް ނުބެހެއްޓުމާއި ސައި އަދި ކޮފީ ތައްޔާރުކޮށް ސާރވްކުރާއިރު ހަކުރުތަށްޓަށް އެޅުމުގެ ބަދަލުގައި އަމިއްލައަށް ހަކުރުއަޅާއިގިރާލެވޭ ގޮތަށް ހަކުރު ޕެކެޓް ތަށީގައި ބާއްވާގެން ސާވްކޮށްދިނުމަށް އެދިވަޑައިގަތެެވެ.
ޑައިބެޓިކް ސޮސައިޓީ އިން އެދިވަޑައިގަތްކަންކަމުގައި ކޮމިޝަނުން ފުރިހަމަ އެއްބާރުލުން ދެއްވާނެކަމަށާއި ސިއްހީ ގޮތުން ސިވިލް ސަރވަންޓުން ހޭލުންތެރިކުރުވުމަށް ހިލޭ ސާބަހަށް ކޮށްދެއްވުމަށް ހުށަހެޅުއްވެވި އެހީތެރިކަމުގެ ބޭނުން ސިވިލް ސަރވިސްގެ އިދާރާތަކުން ހިފެނޭ އިންތިޒާމް ހަމަޖައްސަވައި ދެއްވާނެކަމުގެ ޔަގީންކަން ކޮމިޝަނުގެ ރައީސް މި މަޝްވަރާ ބައްދަލުވުމުގައި އެރުވިއެވެ. އަދި މި ކަންކަން އިންތިޒާމްކުރުމަށްޓަކައި ކޮމިޝަނަށް ހުށަހަޅުއްވަވާނެކަމަށާއި ޕަރމަނަންޓް ސެކްރެޓެރީއިން ތިއްބަވާ އެޑްވައިޒަރީ ކޮމިޓީއަށްވެސް ހުށަހަޅުއްވަވާދެއްވާނެ ކަމުގައި ކޮމިޝަނުގެ ފަރާތުން ބަޔާންކުރެއްވެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026