ސިވިލް ސަރވިސް ކޮމިޝަނުގެ 11 ވަަނަ އަހަރީ ދުވަސް ކުލަގަދަކޮށް މިދިޔަ ހުކުރު ދުވަހުގެ ރޭ ފާހަނގަކޮށްފިއެވެ. ޗަމްޕާ ސެންޓްރަލް ހޮޓެލް ގައި ބޭއްވުނު މި ހަފްލާގައި ކޮމިޝަނުގެ މެންބަރުންނާއި އަދި ކޮމިޝަނުގެ ގިނަ އަދަދެއްގެ މުވައްޒަފުން ވަނީ ބައިވެރިވެވަޑައިގެންފައެވެ.
ކޮންމެ އަހަރަކު ސިވިލް ސަރވިސް ކޮމިޝަނުގެ އަހަރީ ދުވަހާއި ގުޅުވައިގެން ބޭއްވޭ މި ހަފްލާއަކީ ކޮމިޝަނުން ވަރަށް އިސްކަމެއް ދީގެން މުވައްޒަފުންގެ އެހީތެރިކަމާއެކު ރާވާއި ކުރިއަށްގެންދެވޭ ހަރަކާތެކެވެ.
މި ހަފްލާގައި ކޮމިޝަނާއި ސީ.އެސް.ޓީ.އައި އައިގައި ފާއިތުވެދިޔަ އަހަރު ހާޟިރީ އިން ވަނަވަނަ އަށް ދިޔަފަރާތްތައް ހޮވައި އަދި 5 އަހަރާއި، 10 އަހަރާއި، 15 އަހަރު ވަންދެން މަސައްކަތް ކުރައްވާފައިވާ މުވައްޒަފުންނަށް ވަނީ އެވާރޑް އާއި ހަނދާނީ ލިޔުން އަރުވާފައެވެ. އަދި ކޮމިޝަނުގެ ރައީސްގެ ފަރާތުން ހުށަހަޅާ 4 އެވާރޑް ކަމަށްވާ ލީޑަރޝިޕް އެވާރޑް، އާއި މޯސްޓް އިނޮވޭޓީވް ސްޓާފް (އެންމެ އީޖާދީ މުވައްޒަފު) އެވާރޑް އާއި މޯސްޓް ސޯޝަލް ހެލްޕްފުލް ސްޓާފް (އެންމެ އެހީތެރި މުވައްޒަފު) އަދި ބެސްޓް ޓީމް ޕްލޭޔަރ (އެންމެ ގުޅިގެން މަސައްކަތްކުރާ މުވައްޒަފު) އެވާރޑް ވެސް ވަނީ ހަތަރު މުވައްޒަފަކަށް އަރުވާފައެވެ.
އެގޮތުން ބެސްޓް ޓީމް ޕްލޭޔަރ ގެ އެވާރޑް އަލްފާޟިލާ ޢާއިޝަތު އިޒްނާ ކާމިޔާބުކޮށްފައިވާއިރު، މޯސްޓް ސޯޝަލް ހެލްޕްފުލް އެވާރޑް އަލްފާޟިލް އަހުމަދުއްﷲ މަޢުތޫފް އިބްރާހިމް ވަނީ ހޯދާފައެވެ. އަދި އެންމެ އީޖާދީ މުވައްޒަފުގެ އެވާރޑް އަލްފާޟިލް މުހައްމަދު އަދުހަމް ކާމިޔާބުކޮށްފައިވާއިރު، ލީޑަރޝިޕް ގެ އެވާރޑް މި އަހަރު ކާމިޔާބު ކޮށްފައިވަނީ އަލްފާޟިލް ޝަހުމީލް އަހުމަދެވެ.
މި ކަންކަމުގެ އިތުރުން މުވައްޒަފުންގެ މެދުގައި އިންތިޚާބު ބާއްވާގެން އިތުރު ކަންކަމަށް އެންމެ އެކަށޭނެ ފަރާތްތަކެއް ހޮވައި ހަނދާނީ ލިއުންވަނީ އަރުވާފައެވެ. މި ހަފްލާގައި ސްޓާފުންގެ ފަރާތުން ވަނީ މުނިފޫހިފިލުވުމުގެ އައިޓަމްތަކެއްވެސް ހުށަހަޅައިދީފައެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022