ޗައިނާގެ ގިންޑާއޯ ސިޓީ ގައި މި ނޮވެންބަރު 5-4 އަށް ބޭއްވުމަށް ހަމަޖެހިފައިވާ އިންޓަރނޭޝަނަލް ސެމިނަރ ގައި ސިވިލް ސަރވިސް ކޮމިޝަނުން ބައިވެރިވެވަޑައިގަންނަވައިފިއެވެ. މި ސެމިނަރ ގައި ސިވިލް ސަރވިސް ކޮމިޝަނުގެ ފަރާތުން ބައިވެރިވެވަޑައިގަންނަވަނީ ކޮމިޝަނުގެ މެންބަރު އަލްފާޟިލް އިބްރާހިމް ޝަހީޤު އަދި ކޮމިޝަނުގެ އެކްޓިންގ ސެކްރެޓަރީ ޖެނެރަލް އަލްފާޟިލް އަބްދުﷲ ސަޢީދު އެވެ.
ދެ ދުވަހުގެ މުއްދަތަށް ކުރިއަށްދާ މި ސެމިނަރ ގެ މި އަހަރުގެ ތީމް އަކީ " އިންޓަރނޭޝަނަލް ސެމިނަރ އޮން ދަ ޓްރާންސްފޮރމޭޝަން އޮފް އިކޮނޮމިކް ޑްރައިވަރސް އިންް ހިއުމަން ރިސޯސަސް މެނޭޖްމަންޓް" އެވެ. މި އަހަރުގެ މި ސެމިނަރ ގައި ކޮމިޝަނުގެ ފަރާތުން ވެސް ޕޭޕަރެއް ހުށަހެޅުމައްވަނީ ހަމަޖެހިފައެވެ.
މިއީ ޗައިނާގެ ސެންޓަރ ފޯރ ހިއުމަން ރިސޯސް ރިސާރޗް އޮފް އީސްޓަން ރީޖަނަލް އޯރގަނައިޒޭޝަން ފޯރ ޕަބްލިކް އެޑްމިނިސްޓްރޭޝަން އިން ކުރިއަށް ގެންދާ ސެމިނަރ އެކެވެ.