އިންޑިއާގެ ނެޝަނަލް ސެންޓަރ ފޯ ގުޑް ގަވަރނަންސް ގެ ފަރާތުން ދިވެހި ސިވިލް ސަރވިސްގެ 30 މުވައްޒަފުންނަށް މިހާރު ނިއު ދިއްލީގައި ކުރިއަށްގެންދާ ތަމްރީނުގެ ތެރެއިން ތަޖްރިބާ ހޯދުމުގެ ގޮތުން 2 ތަނަކަށް ޒިޔާރަތްކޮށް އެތަންތާނގައި މަސައްކަތް ކުރެވޭގޮތާއި، އާންމު ރައްޔިތުންނަށް ހިދުމަތް ދިނުމުގައި ހޯދާފައިވާ ކުރިއެރުންތަކާ ގުޅޭގޮތުން މަޢުލޫމާތު ހޯދައިފިއެވެ.
އެގޮތުން ދެހްރާދޫން ގައި ހުންނަ ގްރީން ބިލްޑިންގ އަށް ވަނީ ޒިޔާރަތްކޮށްފައެވެ. މި ޒިޔާރަތުގައި އެތަނުގައި ހަކަތަ އުފައްދާ ގޮތާއި އަދި ހަކަތަ އުފައްދާ ގޮތްތަކާ ބެހޭގޮތުން ވަނީ މަޢުލޫމާތު ދެއްވާފައެވެ. އަދި އޭގެ އިތުރަށް ވަނީ ފޮރެސްޓް ރިސާރޗް ސެންޓަރ އަށް ޒިޔާރަތްކޮށް އެކޮޅުގައި ރިސާރޗް ކުރިއަށް ގެންދާ ގޮތްތަކާ ގުޅޭ ސެޝަނެއް ވެސް ނަންގަވާ ދެއްވާފައެވެ. އަދި އެތަނުގެ ދާރުލްއާސާރު ވެސް ވަނީ މި ބައިވެރިންނަށް ދައްކާލާފައެވެ.
އޭގެ އިތުރުން މިއަދު ވަނީ ދެހްރާދޫން ޑިވެލޮޕްމަންޓް އޮތޯރިޓީ އަށް ވަޑައިގެން އެތަނުގެ ސީ.އީ.އޯ ޑރ. އާޝިކް ކުމާރު ވަނީ ސެޝަނެއް ނަގާދެއްވާފައެވެ.