ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް އިންޑިއާއިން އަލަށް ރާއްޖެއަށް ކަނޑައެޅުއްވި އެމްބެސެޑަރ ހިޒް އެކްސަލަންސީ ކޮހޮނަ ވަލައްވެ ނިމަލް ދަރްމަކީރްތި ކަރުނަރަތުނެ އާއި ބައްދަލު ކުރައްވައިފިއެވެ.
ސްރީލަންކަން އެމްބަސީ ގައި މިއަދު ބޭއްވެވި މި ބައްދަލުވުމުގައި ސްރީލަންކާއާ ރާއްޖެއަކީ ޒަމާނުއްސުރެ ގާތް ގުޅުމެއް އުފެދިފައިވާ ދެޤައުމުކަމަށާއި އެމަނިކުފާނުގެ ސަފީރުކަމުގެ ދައުރުގައި ދެޤައުމުގެ މެދުގައިވާ މިގުޅުން އިތުރަށް ބަދަހިވެގެންދާނެކަމުގައި އުއްމީދުކުރައްވާކަމުގައި ސިވިލް ސަރވިސް ކޮމިޝަނުގެ ރައީސް ވިދާޅުވިއެވެ. އަދި މި ބައްދަލުކުރެއްވުމުގައި ދިވެހިރާއްޖެއާއި ސްރީލަންކާ އާ ދެމެދު އޮންނަ ގާތް ގުޅުން އިތުރަށް ބަދަހިކުރެވޭނެ ގޮތްތަކާ ގުޅޭގޮތުން ވަނީ މަޝްވަރާކުރައްވައިފައެވެ. ސްރީލަންކާ އިން ރާއްޖެއަށް އިތުރު އެކި ދާއިރާތަކުން ފުރުޞަތުތައް ފަހިކުރުމާބެހޭގޮތުން އަދި ދެގައުމުގެ ދެމެދުގައި އޮންނަ އެއްބާރުލުން އިތުރަށް ފުޅާކުރުމާ ގުޅޭގޮތުންވެސްވަނީ މަޝްވަރާކުރައްވާފައިވެއެވެ.
މިއަދުގެ މި ބައްދަލުވުމުގައި ކޮމިޝަނުގެ މެންބަރު އަލްފާޟިލާ ފާތިމަތު އާމިރާ ވެސް ބައިވެރިވެވަޑައިގެންނެވިއެވެ.