މި މަހުގެ 18 އިން 30 އަށް އިންޑިއާގެ އެން.ސީ.ޖީ.ޖީ ގައި ކުރިއަށް ގެންދާ "ޓްރެއިނިންގް ޕްރޮގްރާމް އިން ފީލްޑް އެޑްމިނިސްޓްރޭޝަން ފޯރ ސިވިލް ސަރވަންޓްސް އޮފް މޯލްޑިވިސް" ގައި ބައިވެރިވާ ދިވެހި ސިވިލް ސަރވިސްގެ މުވައްޒަފުން އިދާރީ ހިންގުމާގުޅޭ ގޮތުން އިންޑިއާގެ ތަޖުރިބާ ހާސިލުކޮށް މިކަމުގައި ކުރިއަރާފައިވާ ޒަމާނީ ގޮތްތަކުގެ ތަމްރީނު ހޯދަމުން އެބަގެންދެއެވެ. އިންޑިއާގެ ސިވިލް ސަރވިސްގެ މުވައްޒަފުން ތަމްރީނުކޮށް ކުރިއެރުވުމަށް މަސައްކަތްކުރާ ނެޝަނަލް ސެންޓަރ ފޯރ ގުޑް ގަވަރނަންސް (އެން.ސީ.ޖީ.ޖީ) ގެ ފަރާތުން އިންތިޒާމުކޮށް ކުރިޔަށްގެންދާ މި ތަމްރީނުތަކުގެ އޮޕެނިންގ ސެރެމަނީ ގައި ޗީފް ގެސްޓެއް ގޮތުގައި ވަޑައިގެންފައިވަނީ ޝްރީ އިންދޫ ކުމާރު ޕާންޑޭ އެވެ. އަދި އޭގެ މި ޓްރެއިނިންގ ޕްރޮގްރާމުގެ ކޯރޑިނޭޓަރ އެސޯސިއޭޓް ޕްރޮފެސަރ ޑރ. ބީ.އެސް ބިޝްޓް ވެސް ވަނީ އޮޕެނިންގ ސެރެމަނީގައި ވާހަކަފުޅު ދައްކަވާފައެވެ.
މިއީ މިއަހަރު އެން.ސީ.ޖީ.ޖީ ގެ ތަމްރީނު ޕްރޮގްރާމުގައި ބައިވެރިވާ ތިންވަނަ ބެޗެވެ.