21 އޮކްޓޯބަރ 2020
ޗައިނާ އިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު، ހިޒް އެކްސަލަންސީ ޖަންގް ލިޖޮންގް އާއި ސިވިލް ސަރވިސް ކޮމިޝަނުން ބައްދަލު ކުރައްވައިފިއެވެ. މިއަދު ހެދުނު ޗައިނާ އެމްބަސީގައި ބޭއްވުނު މި ބައްދަލުކުރެއްވުމުގައި ކޮމިޝަނުގެ ރައީސް މުހައްމަދު ނާޞިޙު، ކޮމިޝަނުގެ ނައިބު ރަައީސް އިބްރާހިމް ރަޝީދު އަދި ކޮމިޝަންގެ މެންބަރު ފާތިމަތު އާމިރާ ބައިވެރިވެވަޑައިގެންނެވިއެވެ.
މި ބައްދަލުވުމުގައި، ސިވިލް ސަރވިސް ކޮމިޝަނާއި ޗައިނާ އެމްބަސީއާ ގުޅިގެން ކުރެވިދާނެ މުހިންމު މަސައްކަތްތަކާ ބެހޭގޮތުން މަޝްވަރާކުރެއްވިއެވެ. މިގޮތުން ސިވިލް ސަރވިސްގެ މުވައްޒަފުން ތަމްރީނުކުރުމަށް ޗައިނާއިން އިތުރު ފުރުޞަތުތައް ހޯދުމާ ބެހޭގޮތުންނާއި ޗައިނާ ނެޝަނަލް އެކެޑަމީ އޮފް ގަވަރނަންސް (ސީ.އެން.އޭ.ޖީ) އާއި ސިވިލް ސަރވިސް ކޮމިޝަނާ ދެމެދު ސޮއިކޮށްފައިވާ އެމް.އޯ.ޔޫ އާ ކުރުމާ ބެހޭގޮތުން މަޝްވަރާ ކުރެއްވިއެވެ. ރާއްޖޭގެ ތަރައްޤީއަށް، ޚާއްސަކޮށް އިންސާނީ ވަޞީލަތްތަށް ތަރައްޤީކުރުމަށް ޗައިނާއިން ދެއްވަމުންގެންދަވާ އެހީތެރިކަން ފާހަގަކުރައްވާ އެކަމަށްޓަކައި ކޮމިޝަންގެ ރައީސް އަދި މެންބަރުން ޝުކުރު އަދާކުރެއްވިއެވެ. ޗައިނާ ސަފީރުގެ ވާހަކަ ފުޅުގައި، ދެޤައުމުގެ ދެމެދުގައި އޮތް ގާތް ގުޅުމަށް އަލިއަޅުވާ ލައްވައި، ކުރިއަށް އޮތް ތާގައިވެސް ވެވެން ހުރި ހުރިހާ ގޮތަކުން ދިވެހިރާއްޖެއަށް އެހީތެރިވަމުން ގެންދަވާނެ ކަމަށް ވިދާޅުވިއެވެ.
ފަހުގެ ޚަބަރުތައް
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023