ސައުތް އޭޝިއަން އިންސްޓިޓިއުޓް އޮފް އިސްލާމިކް ފިނޭންސްގެ ފަރާތުން ސިވިލް ސަރވިސް ކޮމިޝަނުގެ މެންބަރުންނާއެކު މިއަދު ބައްދަލުކުރައްވައިފިއެވެ. މިއަދުގެ މި ބައްދަލުވުމުގައި މައިގަނޑުގޮތެއްގައި މަޝްވަރާކުރެވުނީ ސައުތް އޭޝިއަން އިންސްޓިޓިއުޓް އޮފް އިސްލާމިކް ފިނޭންސްގެ ފަރާތުން އަލަށް ތައާރަފްކުރެވުނު "އެޑްވާންސް ޑިޕްލޮމާ އިން ޕަބްލިކް ފައިނޭންޝަލް މެނޭޖެމަންޓް" ކޯހާއި ގުޅޭގޮތުންނެވެ. މި ކޯހާއި ގުޅޭ ޕްރެޒެންޓޭޝަން ކޮމިޝަނަށް ހުށަހެޅުއްވީ ސާ.އީ.ފް ގެ ވައިސް ރެކްޓަރ އަލްފާޟިލް އިސްމާއިލް ސާޖިދާއި އަދި މެނޭޖަރ އަލްފާޟިލް އަބްދުލް ރަހްމާން ހުސައިން އެވެ. އެބޭފުޅުންގެ ޕްރެޒެންޓޭޝަނުގައި ޕަބްލިކް ފައިނޭންޝަލް މެނޭޖްމަންޓް އަކީ ސިވިލް ސަރވިސްގެ އިދާރާތަކަށް ވަރަށް މުހިންމު ދާއިރާއެއްކަން ފާހަގަކުރެއްވެވިއެވެ.
ކޮމިޝަނުގެ ރައީސް މުހައްމަދު ނާޞިޙު ދެންނެވީ ކޮމިޝަނުގެ ފަރާތުން ފުރިހަމަ އެއްބާރުލުމެއް ދެއްވަވާނެކަމަށެވެ.