02 ޑިސެމްބަރ 2018
ސިވިލް ސަރވިސް ކޮމިޝަނުގެ މެންބަރު ކަމަށް ރައްޔިތުންގެ މަޖްލީހުން ހަމަޖެއްސެވި ފާޠިމަތު އާމިރާ މަޤާމާ ހަވާލުވެވަޑައިގެން ސިވިލް ސަރވިސް ކޮމިޝަނަށް މިއަދު ވަޑައިގެންނެވުމުން ކޮމިޝަނުގެ މެންބަރުންނާއި މުވައްޒަފުންގެ ފަރާތުން އެކަމަނާއަށް ހޫނު މަރުޙަބާ ދަންނަވައިފިއެވެ. ކޮމިޝަނުގައި މިއަދު މިކަމަށްޓަކައި ބޭއްވި ރަސްމިޔާތުގައި ކޮމިޝަނުގެ މެންބަރުންގެ އިތުރުން ހުރިހާ ސްޓާފުން ވަނީ ބައިވެރިވެފައެވެ.
ކޮމިޝަނުން ހުސްވެފައިވާ ކޮމިޝަނުގެ މެންބަރުގެ މަޤާމަށް ފާޠިމަތު ޢާމިރާ ހަމަޖެއްސެވީ ރައްޔިތުންގެ މަޖްލީހުގައި 28 ނޮވެންބަރު 2018ގައި ބޭއްވި ޖަލްސާއިން އެގޮތަށް ފާސްކުރެއްވުމާއި ގުޅިގެންނެވެ. ފާޠިމަތު ޢާމިރާ އެންމެ ފަހުން ފުރުއްވާފައި ވަނީ އެޑިއުކޭޝަން މިނިސްޓްރީގެ ޑިރެކްޓަރ ޖެނެރަލްގެ މަޤާމެވެ. އޭގެ ކުރިން ޑިޕާޓްމަންޓް އޮފް ހަޔަރ އެޑިއުކޭޝަންގެ ޑިރެކްޓަރ ޖެނެރަލްގެ މަޤާމާއި ސީއެޗްއެސްސީގެ ޕްރިންސިޕަލްގެ މަޤާމު ދިގު މުއްދަތެއްގައި އަދާކުރައްވާފައި ވެއެވެ.
ސިވިލް ސަރވިސް ކޮމިޝަނުގެ މެންބަރު ކަމުގެ މަޤާމު ހުސްވެފައި ވަނީ ކޮމިޝަނުގެ ކުރީގެ މެންބަރު ފާޠިމަތު ރީނީ ޢަބުއްސައްޠާރު ކޮމިޝަނުގެ މެންބަރުކަމުގެ 5 އަހަރުގެ ޓާމު ނޮވެންބަރު މަހުގެ 27 ވަނަ ދުވަހު ހަމަކުރައްވާ މަޤާމުން ވަކިވުމާއި ގުޅިގެންނެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026