ކޮވިޑް 19 އާއި ގުޅިގެން ނިއު ނޯމަލް އަށް އޮފީސްތައް ހުޅުވާލާއިރު އޮފީސް މާހައުލު ރައްކާތެރި ތަނަކަށް ހެދުމަށް ޓަކައި ކުރެވިދާނެ ކަންތައްތަކާ ގުޅޭ ތަމްރީނު ޕްރޮގްރާމެއް އެން.އީ.އޯ.ސީ އާއި ސިވިލް ސަރވިސް ޓްރެއިނިންގ އާއި ގުޅިގެން ކުރިއަށް ގެންގޮސްފިއެވެ. އޯޑިއޯ/ވީޑިއޯ ކޯލް މެދިވެރިކޮށް ކުރިއަށް ގެންދެވުނު މި ތަމްރީނުގައި 100 އަށް ވުރެ ގިނަ ސިވިލް ސަރވަންޓުން ވަނީ ބައިވެރިވެވަޑައިގެންފައެވެ. އަދި މި ތަމްރީނު ޕްރޮގްރާމުގައި މަޢުލޫމާތު ދެއްވާފައިވަނީ އެން.އީ.އޯ.ސީ އަދި އެޗް.ޕީ.އޭ ގެ ބޭފުޅުންނެވެ. މި ފަދަ އިތުރު 2 ތަމްރީނު ޕްރޮގްރާމް ކުރިއަށް ގެންދިއުމަށް އެން.އީ.އޯ.ސީ ވަނީ ހަމަޖައްސާފައެވެ.