28 ޖޫން 2020
![](/images/Posts/339/6d87bbb0-b1fe-4793-b79d-433d95beb526_DSC_4072-750x400.jpg)
ސިވިލް ސަރވިސް ކޮމިޝަނުގެ އިދާރާގައި "ވިސްލް ބްލޯވަރ ޕްރޮޓެކްޝަން" ކޮމިޓީ އެއް އެކުލަވާލައިފިއެވެ. މި ކޮމިޓީ އެކުލަވައިލީ ޤާނޫނު ނަންބަރު 2019/16 (ވިސްލްބްލޯކުރާ ފަރާތްތައް ރައްކާތެރިކުރުމުގެ ޤާނޫނު) ގެ ދަށުން ކޮމިޝަނުގެ 1846 ވަނަ ބައްދަލުވުމުގެ ތެރެއިންނެވެ. މި ކޮމެޓީގެ ޗެއަރ ޕަރސަންއެއް ގޮތަށް ހަމަޖައްސާފައިވަނީ ކޮމިޝަނުގެ ސީނިއަރ އެޓާރނީ އާޔަތުﷲ ޙުސައިން އެވެ. އަދި މެންބަރުންގެ ގޮތުގައި ހިމަނާލައިފައިވަނީ ޑިރެކްޓަރ އޮފް (އެޗް.އާރް) މަރްޔަމް ނާޒިމާ އަދި ހިއުމަން ކެޕިޓަލް މެނޭޖްމަންޓް އެގްޒެކެޓިވް އަހުމަދު އަތުހަރެވެ.
މި ކޮމިޓީގެ މަސްއޫލިއްޔަތުތަކަކީ މަޢުލޫމާތު ހުށައެޅޭނެ އިންތިޒާމްތައް ޤާއިމްކުރުމާއި މަޢުލޫމާތު ހުށައެޅުމުން މަޢުލޫމާތު ބަލައިގަނެ އަދި މަޢުލޫމާތު ހުށައަޅާ ފަރާތުގެ ވަނަވަރު އަދި އެހެނިހެން ޒާތީ މަޢުލޫމާތު ސިއްރުކުރުމެވެ. މަޢުލޫމާތާ ގުޅިގެން ކުރަންޖެހޭ ތަހުޤީގު ކުރުމާއި އަދި އިޚްތިޞާޞްދީފައިވާ މައްސަލައެއްވާނަމަ، އެ ކަމެއް ތަޙުޤީޤުކުރުމަށް އެ އިދާރާއަކަށް ފޮނުވުމެވެ. ހުށައެޅޭ މައްސަލައެއްގައި ވަކި ފަރާތަކަށް ރައްކާތެރިކަން ދޭންޖެހޭކަމަށް ޤަބޫލުކުރެވޭނަމަ, އެކަން ވިސްލްބްލޯވަރ ޕްރޮޓެކްޝަން ޔުނިޓުގެ ސަމާލުކަމަށް ގެންނަންޖެހޭނެއެވެ. އަދި ވިސްލްބްލޯކުރުމުގެ މުހިއްމުކަމާއި ވިސްލްބްލޯކުރާ ފަރާތްތަކަށް ވިސްލްބްލޯކުރުމާގުޅޭ އެތެރޭގެ އިންތިޒާމުތަކާ ގުޅޭގޮތުން މުވައްޒަފުންނަށް މަދުވެގެން އަހަރަކު 2 ފަހަރު ހޭލުންތެރިކުރުމުގެ ޕްރޮގްރާމްތައް ހިންގުންވެސް މި ކޮމިޓީގެ މަސްއޫލިއްޔަތުތެރޭގައި ހިމެނެއެވެ. މީގެ އިތުރުން, ޤާނޫނު ނަންބަރު 2019/16 ގެ ދަށުން އެކުލަވާލެވޭ ގަވާއިދުތަކާ އުސޫލުތަކުގައި ބަޔާންކޮށްފައިވާ ޒިންމާތައް އަދާކުރުން ހިމެނެއެވެ.
މަޢުލޫމާތު ހުށަހެޅޭނެ ގޮތްތަކަށް ބަލާއިރު ސިޓީ، ފޯންކޯލް، އެސް.އެމް.އެސް ނުވަތަ އީމެއިލް މެދުވެރިކޮށް ނުވަތަ އޯޑިއޯ/ވީޑިއޯ ފައިލް ޒަރިއްޔާއިންވެސް ހުށަހެޅިދާނެއެވެ.
މަޢުލޫމާތު ހުށައަޅާނީ ވިސްލްބްލޯކުރުމުގެ ގޮތުން މަޢުލޫމާތު ހުށައަޅާ ފޯމު މެދުވެރިކޮށް އަދި މި ފޯމު ކޮންމެ އިދާރާގެ ވެބްސައިޓް މެދުވެރިކޮށް ލިބެން ހުންނާނެ އެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023