28 ޖޫން 2019
ޕާކިސްތާނުގެ ސަރުކާރުގެ ދައުވަތަކަށް ޕާކިސްތާނުގެ ލާހޯރު ސިޓީ އަށް މިހާރު ޒިޔާރަތްކުރައްވަމުން ގެންދަވާ ސިވިލް ސަރވިސް ކޮމިޝަނުގެ ވަފުދު އިއްޔެ ލާހޯރު ޔުނިވަރސިޓީ އޮފް މެނޭޖްމަންޓް ސައިންސަސް އަށް ޒިޔާރަތްކުރައްވަވައި އެ ޔުނިވަރސިޓީގެ ވައިސް ޗާންސެލަރ ޑރ. އަރްޝާދް އަހުމަދު އާއި ފެކަލްޓީތަކުގެ ޑީނުންނާއި ބައްދަލުކުރައްވަވައި ދެ މުއައްސަސާ ދެމެދު ގުޅުން ބަދަހިކޮށް ދިވެހި ސިވިލް ސަރވަންޓުންނަށް ތަމްރީނާއި ތަޖްރިބާ ގެ ފުރުސަތު އެ ޔުނިވަރސިޓީ އިން ހޯދާދިނުމާ ގުޅޭގޮތުން މަޝްވަރާ ކުރައްވަވައިފިއެވެ.
ލާހޯރު ޔުނިވަރސިޓީ އޮފް މެނޭޖްމަންޓް ސައިންސަސް އަކީ ޕާކިސްތާނުގައި ވިޔަފާރި އާއި ހިންގުމުގެ ދާއިރާގައި އެންމެ މަޝްހޫރު އަދި މަޤްބޫލު ޔުނިވަރސިޓީ އެވެ. ނަމަވެސް، މި ޔުނިވަރސިޓީ އާއި ރާއްޖެ އާ ދެމެދު މާބޮޑު ގުޅުމެއް އަދި އުފެދިފައިނެތުމުގެ ސަބަބުން މި ޔުނިވަރސިޓީ އަކީ ދިވެހިންނަށް ފަރިތަތަނަކަށް ނުވެއެވެ. މި ޔުނިވަރސިޓީގައި އިސްހިންގުންތެރީންނަށް ހިންގާ އެގްޒެކެޓިވް ޕްރޮގްރާމް އަކީ ވަރަށް ޒަމާނީ ހިންގުމުގެ ހުނަރާއި ކުރިއަރާފައިވާ ތަންތަނުގެ ތަޖްރިބާ ހިއްސާކޮށްދޭ ޕްރޮގްރާމެއްކަމުން ޕި ޕްރޮގްރާމްގައި ސީނިއަރ ސިވިލް ސަރވަންޓުން ބައިވެރިކުރުމަށް ޔުނިވަރސިޓީ އިން މަރުޙަބާ ވިދާޅުވިއެވެ. އަދި މިއަހަރުތެރޭގައި ލަމްސް ގެ ވަފުދެއް އެ ޔުނިވަރސިޓީ ރާއްޖެއަށް ތަޢާރަފް ކުރެއްވުމަށް ރާއްޖެ ޒިޔާރަތް ކުރެއްވުމަށް ޝައުގުވެރިވާ ކަމުގައި އެފަރާތާއެކު ކޮމިޝަނުން ބޭއްވި މަޝްވަރާތަކުގައި ވިދާޅުވެފައިވެއެވެ. ކޮމިޝަނުގެ ފަރާތުން މި މަޝްވަރާތަކުގައި އިސްކޮށް ތިއްބެވީ ކޮމިޝަނުގެ ރައީސް ޑރ. އަލީ ޝަމީމާއި މެންބަރު އަލްއުސްތާޛް ޒަކަރިއްޔާ ހުސެއިން އެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026