
ޕާކިސްތާނުގެ ސިވިލް ސަރވަންޓުން ތަމްރީނުކޮށް ހިންގުންތެރި ގާބިލު މީހުންނަށް ހެދުމުގެގޮތުން ތާޒާކުރުމުގެ ކުރު ކޯސްތައް ހިންގާ ފަރާތްކަމުގައިވާ ސިވިލް ސަރވިސް އެކަޑަމީގެ ފަރާތުން ދިވެހި ސިވިލް ސަރވިސް ގެ މުވައްޒަފުން ތަމްރީނުކޮށްދިނުމަށާއި އަދި ސިވިލް ސަރވިސް ޓްރެއިނިންގ އިންސްޓިޓިއުޓް ހަރުދަނާކޮށް އެތަނުންހިންގާ ކޯސްތަކުގެ ފެންވަރު މަތިކުރުމަށް އެހީތެރިވެދެއްވާނެކަމުގައި އެ އެކަޑަމީ ހިންގުމާއި ހަވާލުވެ ހުންނެވި ޑިރެކްޓަރ ޖެނެރަލް މިސްޓަރ ސުހެއިލް އާމިރު ވިދާޅުވެއްޖެއެވެ. މިހެން ވިދާޅުވީ އިއްޔެ އެކަޑަމީ އަށް ޒިޔާރަތްކުރައްވަވައި މަޝްވަރާ ބައްދަލުވުމެއް ބޭއްވެވި ސިވިލް ސަރވިސް ކޮމިޝަނުގެ ވަފުދުގެ އަރިހުގައެވެ.
ޕާކިސްތާނުގެ ލާހޯރުގައި ހުންނަ ސިވިލް ސަރވިސް އެކަޑަމީ އަށް ސިވިލް ސަރވިސް ކޮމިޝަނުގެ ވަފުދެއް ޒިޔާރަތްކުރެއްވެވީ ދެފަރާތުގެ ދެމެދުގައި ގުޅުންބަދަހިކޮށް އެއްބަޔަކު އަނެއްބަޔަކާ އެހީތެރިވެ ދެވޭނެގޮތްތަކަކީ ކޮބައިތޯ ބެއްލެވުމުގެ ގޮތުންނެވެ. ކޮމިޝަނުގެ ވަފުދުގައި އިސްކޮށް ހިމެނިވަޑައިގަންނަވަނީ ކޮމިޝަނުގެ ރައީސް ޑރ. އަލީ ޝަމީމާއި މެންބަރު އަލްއުސްތާޛް ޒަކަރިއްޔާ ހުސެއިންއެވެ. އެކަޑަމީގެ ފަރާތުން އިސްކޮށް ބައިވެރިވެވަޑައިގަތީ އެތާނގެ ޑިރެކްޓަރ ޖެނެރަލް މިސްޓަރ ސުހެއިލް އާމިރާއި، ޑިރެކްޓަރ ޓްރެއިނިންގ މިސްޓަރ ޒުލްފިގާރު ޔޫނުސް އެވެ. ސިވިލް ސަރވިސް ގެ އެކަޑަމީ އަށް ކޮމިޝަނުގެ ވަފުދު ޒިޔާރަތްކުރެއްވުމުން ހޫނު މަރުޙަބާއެއް ވިދާޅުވެ އެތަނުގައި މަސައްކަތްކުރެވޭ ގޮތާއި ހިންގޭ ކޯސްތަކުގެ މަޢުލޫމާތު އެރުވިއެވެ. އަދި އެ އެކަޑަމީގެ ތަންތަނާއި މަސައްކަތްކުރެވެމުންދާގޮތް ކޮމިޝަނުގެ ވަފުދަށް ދައްކަވާލަދެއްވެވިއެވެ.
ފަހުގެ ޚަބަރުތައް
.jpg)
އަޔަލޭންޑުގެ ސަފީރު ސިވިލް ސަރވިސް ކޮމިޝަނާ ބައްދަލުކުރައްވައިފި
04 ފެބްރުއަރީ 2025

ނެޝަނަލް ސެންޓަރ ފޯރ ގުޑް ގަވަރނަންސް (އެން.ސީ.ޖީ.ޖީ) އިންޑިއާ، އާއި ސިވިލް ސަރވިސް ކޮމިޝަނާ ދެމެދު އައުކޮށް ސޮއިކުރެވުނު ފަހުމުނާމާގެ ދަށުން ސިވިލް ސަރވިސް މުވައްޒަފުންނަށް ހިންގާ ތަމްރީނު ޕްރޮގްރާމުތައް ފަށައިފި
07 ސެޕްޓެމްބަރ 2024
.png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024