26 ޖޫން 2019
![](/images/Posts/311/12632525-1a18-4bb9-96d0-8a7394644648_viber_image_2019-06-26_17-36-59-750x400.jpg)
ޔުނައިޓެޑް ނޭޝަންސް (ޔޫ.އެން) އިން ކޮންމެ އަހަރަކު ބާއްވާ ޔުނައިޓެޑް ނޭޝަންސް ގެ ޕަބްލިކް ސަރވިސް ފޯރަމް ގައި ސިވިލް ސަރވިސް ކޮމިޝަނުން ބައިވެރިވެވަޑައިގެންފި އެވެ. ސިވިލް ސަރވިސް ކޮމިޝަނުގެ ފަރާތުން މި ފޯރަމް ގައި މި އަހަރު ބައިވެރިވެވަޑައިގެންފައިވަނީ ކޮމިޝަނުގެ ސީނިއަރ ހިއުމަން ކެޕިޓަލް މެނޭޖްމަންޓް އެގްޒެކެޓިވް އަލްފާޟިލާ ނަފްހާ ހުސައިން އެވެ. މި މަހުގެ 26-24 އަށް އަޒަރްބައިޖާން ގައި ބޭއްވުނު މި ކޮންފަރެންސްގެ މި އަހަރުގެ މައުޟޫ އަކީ " އެޗީވިންގ ދަ ސަސްޓެއިނަބަލް ޑިވެލޮޕްމަންޓް ގޯލްސް ތްރޫ އިފެކްޓިވް ޑެލިވެރީ އޮފް ސަރވިސަސް، އިނޮވޭޓިވް ޓްރާންސްފޯރމޭޝަން އެންޑް އެކައުންޓަބަލް އިންސްޓްޓިއުޝަންސް" އެވެ. މި ފޯރަމް ގައި 9 ވޯރކްޝޮޕެއް ކުރިއަށް ގެންގޮސްފައިވާއިރު އަލްފާޟިލާ ނަފްހާ ހުސައިން ވަނީ " މޯބަލައިޒިންގ އެންޑް އިކިއުޕިންގ ޕަބްލިކް ސަރވަންޓްސް ޓު ރިއެލައިޒް ދަ 2030 އެޖެންޑާ" މި މައުޟޫގެ ދަށުން ކުރިއަށް ގެންގޮސްފައިވާ ވޯރކްޝޮޕްގައި ބައިވެރިވެވަޑައިގެންފައެވެ.
މި ފޯރަމްގެ ޒަރިއްޔާއިން އެކި ގައުމުތަކުގެ މިނިސްޓަރުންނާއި ސަރުކާރުގެ އެހެނިހެން އިސް ފަންތީގެ ބޭފުޅުންނަށް އެގައުމެއްގެ "ސަސްޓެއިނަބަލް ޑިވެލޮޕްމަންޓް ގޯލްސް" ހާސިލް ކުރުން ކުރިއެރުވުމަށް ކުރެވިދާނެ ކަންތަކާ ބެހޭގޮތުން ވިސްނާލުމުގެ ފުރުސަތު ލިބިގެން ގޮސްފައިވެއެވެ. އަދި ހަމަ އެއާއެކު އެޖެންޑާ 2030 އެސް.ޑީ.ޖީ ހާސިލްކުރުމުގައި އަލަށް ކުރިމަތިވަމުންދާ ގޮންޖެހުން ތަކާއި ޓްރެންޑު ތަކާ މެދު މި ފޯރަމްގެ ބައިވެރިންނާ އެކު ބަހުސްކުރުމާއި، ޙިދުމަތް އެންމެ ރަނގަޅައް ފޯރުކޮށް ދިނުމުގައި ބޭނުން ކުރަންވީ އުސޫލުތަކާއި ގޮތްތަކާ މެދު ޙިޔާލު ބަދަލު ކުރުމަށްވެސް ފުރުސަތު ލިބިގެން ގޮސްފައިވެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023