11 ޑިސެމްބަރ 2018
ރައްޔިތުންގެ މަޖްލިސްގެ އިންތިޚާބު 2019ގެ މަސައްކަތްތަކާ ގުޅޭގޮތުން މަޝްވަރާކުރުމަށް އިލެކްޝަންސް ކޮމިޝަނުން ސިވިލް ސަރވިސް ކޮމިޝަނާއެކު ބައްދަލުވުމެއް ބާއްވަވައިފިއެވެ. މިއަދު ކޮމިޝަނުގައި ބޭއްވި މި ބައްދަލުވުމުގައި މައިގަނޑުގޮތެއްގައި މަޝްވަރާކުރެވުނީ ރައްޔިތުންގެ މަޖްލިސް އިންތިޚާބު 2018ގެ ކަންކަން މިނިވަންކަމާ އިންސާފުވެރިކަމާއެކު އަދި އޮމާންކަމާއެކު ކުރިޔަށްގެންދިއުމަށްޓަކައި ސިވިލް ސަރވިސްގެ މުވައްޒަފުންގެ އެހީތެރިކަމާ އެއްބާރުލުން ބޭނުންވާތީ، އެކަންކަން ރާވާ ކުރިޔަށްގެންދެވޭނެ ގޮތްތަކާބެހޭގޮތުންނެވެ. މިގޮތުން ފާއިތުވެދިޔަ ޢާންމު އިންތިޚާބުތަކުގެ ތަޖްރިބާގެ އަލީގައި ކުރިޔަށްއޮތް މަޖްލީހުގެ އިންތިޚާބުގެ ކަންކަން ވީހާވެސް ރަނގަޅަށް ކުރިޔަށްގެންދިއުމުގައި ސިވިލް ސަރވިސްގެ އިސްމުވައްޒަފުންގެ އެހީތެރިކަމާއެކު ކަންކަން ކުރިޔަށްގެންދެވިދާނެ ގޮތާބެހޭގޮތުން މި ބައްދަލުވުމުގައި މަޝްވަރާކުރެވުނެވެ. އަދި މަޖްލީހުގެ އިންތިޚާބު 2018ގެ ކަންކަން ކާމިޔާބުކަމާއެކު ކުރިޔަށްގެންދިއުމުގައި ސިވިލސް ސަރވިސްގެ އެހީތެރިކަން ފުރިހަމައަށް ލިބޭނެ ކަމުގެ ޔަޤީންކަން ކޮމިޝަނުގެ ރައީސް އިލެކްޝަން ކޮމިޝަނުގެ މެންބަރުންނަށް ދެއްވިއެވެ.
މި މަޝްވަރާ ބައްދަލުވުމުގައި އިލެކްޝަންސް ކޮމިޝަނުގެ ފަރާތުން އެ ކޮމިޝަނުގެ ރައީސް އަޙްމަދު ޝަރީފާއި މެންބަރުން ބައިވެރިވަޑައިގެންނެވިއެވެ. އަދި ސިވިލް ސަރވިސް ކޮމިޝަނުގެ ފަރާތުން ކޮމިޝަނުގެ ރައީސް ޑރ ޢަލީ ޝަމީމާއި ކޮމިޝަނުގެ މެންބަރުން ބައިވެރިވެވަޑައިގެންނެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026