01 އޭޕްރީލް 2019
ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް އިންޑިއާއިން އަލަށް ރާއްޖެއަށް ކަނޑައެޅުއްވި އެމްބެސެޑަރ ހިޒް އެކްސަލަންސީ މިސްޓަރ ސަންޖޭ ސުދިރް އާއި ބައްދަލު ކުރައްވައިފިއެވެ. އިންޑިއަން އެމްބަސީގައި ބޭއްވުނު މި ބައްދަލު ކުރެއްވުމުގައި މި ފެށޭ އޭޕްރިލް މަހުގެ 6 ކުން 21 އަށް އިންޑިއާގެ ނޭޝަނަލް ސެންޓަރ ފޯރ ގުޑްގަވަރނަންސް ތަމްރީން ޕްރޮގްރާމްގެ ދަށުން ދިވެހި ސިވިލް ސަރވިސް ގެ 30 މުވައްޒަފަކަށް ތަމްރީނާއި ތަޖުރިބާގެ ދަތުރެއް އިންޑިއާގެ ނިއު ދިއްލީ އަށް ހަމަޖައްސަވާއި ދެއްވާފައިވާތީ އެކަމަށް އަލިއަޅުވާލައްވާ ވާހަކަފުޅު ދެއްކެވިއެވެ.
އަދި މީގެ އިތުރުން މި ބައްދަލުވުމުގައި މަޝްވަރާ ކުރެވުނު ބައެއް ކަންތައްތަކުގެ ތެރޭގައި ސިވިލް ސަރވިސްގެ މުވައްޒަފުންނަށް ޚާއްޞަކޮށްގެން އިތުރު ތަމްރީން ޕްރޮގްރާމްތައް ފޯރުކޮށްދިނުމާ ގުޅޭގޮތުންނާއި އަދި އިންޑިއާއިން ދެއްވާފައިވާ ތަމްރީންތަކާ ބެހޭ ފޮތްތައް ސީއެސްޓީއައި ގެ ލައިބްރަރީއަށް ހަދިޔާ ކުރުމާ ބެހޭގޮތުންވެސް މަޝްވަރާކުރެވުނެވެ. މި ބައްދަލު ކުރެއްވުމުގައި ކޮމިޝަނުގެ ރައީސް ވަނީ އެމްބެސެޑަރ މިސްޓަރ ސަންޖޭ ސުދިރް، ސިވިލް ސަރވިސް ޓްރެއިނިންގ އިންސްޓްޓިއުޓަށް ވަޑައިގެންނެވުމަށް ދައުވަތުވެސް އަރުވާފައެވެ.
މި ބައްދަލުވުމުގައި ކޮމިޝަނުގެ ރައީސްގެ އިތުރުން ބައިވެރިވެވަޑައިގެންނެވީ ކޮމިޝަނުގެ ސެކްރެޓަރީ ޖެނެރަލް ޑރ. އިބްރާހިމް ޒުހުރީ އެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026