މިއަދު ސިވިލް ސަރވިސް ކޮމިޝަނުގައި ބޭއްވުނު މި ބައްދަލުވުމަކީ ނެޝަނަލް ޑިވެލޮޕްމަންޓް ޕްލޭން އެކުލަވާލާ ބޭފުޅުންނާއި ކޮމިޝަނުގެ މެމްބަރުންނާއެކު މަޝްވަރާކޮށް އަދި ނެޝަނަލް ޑިވެލޮޕްމަންޓް ޕްލޭން ކުރިއަށް ދާ ގޮތުގެ މަޢުލޫމާތު ކޮމިޝަނުގެ މެމްބަރުންނާ ހިއްސާކުރުމެވެ.

ނެޝަނަލް ޑިވެލޮޕްމަންޓް ޕްލޭން ހެދުމަށްޓަކައި އެ ޕްލޭންގައި ހިމެނޭ އެކި އެކި ސެކްޓަރ ތަކުގެ ސިޗުއޭޝަނަލް އެނަރލައިސިސް ހަދަމުންގެންދާތީ، މިކަމުގެ ބޭނުމުގައި ސިވިލް ސަރވިސްގެ އޯވަރވިއު އެއް ކޮމިޝަނުގެ ފަރާތުން ދެއްވުމަށްވަނީ އެއްބަސްވެވިފައެވެ. އަދި ނެޝަނަލް ޑިވެލޮޕްމަންޓް ޕްލޭން އެކުލަވާލާ ބޭފުޅުންގެ އެއްވެސް އެހީތެރިކަމެއް ކޮމިޝަނުން ބޭނުންފުޅުކަމުގައި ވަނީނަމަ އެ ބޭނުންފުޅުވާ އެހީތެރިކަމާއި އެއްބާރުލުން ލިބޭނެކަމުގެ ޔަޤީންކަން ވަނީ ދެއްވާފައެވެ.

މިއަދުގެ މި ބައްދަލުވުމުގައި ކޮމިޝަނުގެ ފަރާތުން އިސްކޮށް ހުންނެވީ ކޮމިޝަނުގެ ރައީސް ޑރ. އަލީ ޝަމީމް އެވެ. އަދި ނެޝަނަލް ޑިވެލޮޕްމަންޓް ގެ ފަރާތުން އިސްކޮށް ހުންނެވީ އަލްފާޟިލް މުޙައްމަދު އިމާދެވެ.