25 އޭޕްރީލް 2019
![](/images/Posts/274/db9952ce-92f6-4825-b778-a13116b1085b_viber-image-2019-04-25-15.19.09-750x400.jpg)
21 އެޕްރީލު 2019 ގައި ސްރީލަންކާގެ އެތައްތަނަކަށް ކުއްލި ގޮތަކަށް ދިން ހަމަލާތަކާގުލިގެން ސްރީލަންކާ އަށް ދިމާވި ހިތާމާގައި ސިވިލް ސަރވިސް ކޮމިޝަނުންނާއި އަދި ދިވެހި ސިވިލް ސަރވިސްގެ މުވައްޒަފުންގެ ފަރާތުން ބައިވެރިވާ ކަންފާޅުކުރައްވަވައި މިއަދު ކޮމިޝަނުގެ ފަރާތުން މާލޭގައި ހުންނަ ސިރީލަންކާގެ އެމްބަސީގައި ހުޅުވާފައިވާ ތަޢުޒިޔާ ފޮތުގައި ސޮއިކުރައްވަވައިފިއެވެ. މިފޮތުގައި ސޮއިކުރެއްވެވީ ކޮމިޝަނުގެ ރައީސް ޑރ. ޢަލީ ޝަމީމާއި، މެންބަރު ފާތުމަތް އާމިރާއެވެ.
ތަޢުޒިޔާ ފޮތުގައި ބަޔާންކުރައްވާފައިވަނީ މި ލާއިންސާނީ ހަމަލާތައް އެންމެ ހަރުކަށި ގޮތުގައި ކުށްވެރިކުރާކަމަށާއި މި ހިތާމައިގައި ބައިވެރިވެ އެކުވެރި އަދި އަވަށްޓެރި ސްރީލަންކާގެ ސަރުކާރާއި ރައްޔިތުންނަށް ހިތުގެ އެންމެ ފުންމިނުން ތަޢުޒިޔާ ކިޔާކަމަށެވެ. އަދި މި ހިތާމަވެރި ދަނޑިވަޅުގައި މި އަނިޔާވެރި ހަމަލާ ތަކުގައި ފުރާނަގެއްލިދިޔަ ފަރާތްތަކުގެ އާއިލާތަކަށާއި ރަޙުމަތްތެރިންނަށް ތައުޒިޔާ ފޮނުވާކަމަށާއި، ޒަހަމްވެފައިވާ ފަރާތްތަކަށް އަވަސް ޝިފާއަކަށް އެދޭކަމަށެވެ.
މި ހިތާމަވެރި ހާލަތުން އަރާގަތުމަށް ދިވެހިންތިބީ ސްރީލަންކާ އާއިއެކު އަތާއަތްގުޅުވާލައި އެކުއެކީގައި އެހީތެރިކަން ފޯރުކޮށްދިނުމަށާއި އަލުން އާންމު ހާލަތަށް އަވަހަށް ރުޖޫއަވެ އަމަން އަމާންކަން ގާއިމުވުމަށް އެދިގެން ކަމުގައިވެސް ކޮމިޝަނުގެ ފަރާތުން ލިއުނު ތަޢުޒިޔާ މެސެޖްގައި ބަޔާން ކޮށްފައިވެއެވެ. އަދި ކުއްލި ނުރައްކާތެރި ހަމަލާ އާއި ގުޅިގެން ސިއްޙީ އަދި އިމަޖަންސީ ޚިދްމަތްފޯރުކޮށްދިން ފަރާތްތަކާއި ދަރުމަވެރިން ފޯރުކޮށްދިން އެހީތެރިކަމަށް ތަޢުރީފްކުރާކަމުގައިވެސް ބަޔާންކޮށްފައިވެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023