ސިވިލް ސަރވިސް ޓްރެއިނިންގ އިންސްޓްޓިއުޓް (ސީ.އެސް.ޓީ.އައި) ގެ ޑިރެކްޓަރ އަލްފާޟިލާ ފާޠިމަތު ޙަބީބާ 6 ވަނަ ސާރކް ސައުތު އޭޝިއާ ރީޖަން ޕަބްލިކް ޕްރޮކިއުމެންޓް ކޮންފެރެންސްގައި ބައިވެރިވެވަޑައިގެންފިއެވެ. "ޕްރޮފެޝަނަލައިޒޭޝަން އެންޑް ކެޕޭސިޓީ ބިލްޑިންގް" މި ޝިއާރުގެ ދަށުން ބޭއްވުނު ކޮންފެރެންސް ބާއްވާފައިވަނީ ބޫޓާން ގެ ތިމްޕޫ ގައި މި މަހުގެ  22 އިން 24 އަށެވެ. 100 އަށް ވުރެ ގިނަ ސާރކް މެންބަރު ޤައުމު ތަކުގެ އިސް ފަންތީގެ ވެރިން ބައިވެރިވެވަޑައިގެންނެވި މި ކޮންފެރެންސް ގައި ސާރކް މެންބަރު ޤައުމު ތަކުގެ ޓްރެއިނިންގ އިންސްޓްޓިއުޓް ތަކުގެ ޑިރެކްޓަރ މަގާމުގެ ބޭފުޅުންނާއި ފައިނޭންސް މިނިސްޓްރީގެ ޗީފް ޕްރޮކިއުމެންޓް އޮފިސަރ ލެވެލް ގެ ބޭފުޅުން ހިމެނިވަޑައިގަންނަވައެވެ. މި ކޮންފެރެންސްގައި ސީ.އެސް.ޓީ.އައި އާ ބެހޭ ޕްރެޒެންޓޭޝަނެއް ފާތިމަތު ހަބީބާ ވަނީ ހިއްސާކުރައްވާފައެވެ.