ޕާކިސްތާނުގެ ސަރުކާރުން ރާއްޖެއަށް ކަނޑައަޅުއްވަވާފައި ހުންނަ ސަފީރު، ހިޒް އެކްސަލަންސީ ވައިސް އެޑްމިރަލް (ރިޓަޔާރޑް) މިސްޓަރ ވަސީމް އަކުރަމް ތަޢާރަފްވެވަޑައިގަތުމުގެ ޒިޔާރަތެއް މިއަދު ސިވިލް ސަރވިސް ޓްރެއިނިންގ އިންސްޓިޓިއުޓް ( ސީ އެސް ޓީ އައި) އަށް ކުރައްވަވައިފިއެވެ.
އެމަނިކުފާނު ސީއެސްޓީ އައިގެ އިމާރާތަށް ވަޑައިގަތުމުން މަރުޙަބާ ވިދާޅުވެ އިސްތިޤްބާލު ކުރެއްވެވީ ކޮމިޝަނުގެ ރައީސް ޑރ. ޢަލީ ޝަމީމާއި މެންބަރ އަލްއުސްތާ÷ޛް ޒަކަރިއްޔާ ހުސެއިނާއި އަދި ޑިރެކްޓަރ ފާތުމަތު ހަބީބާއެވެ. ސަފީރުގެ މި ޒިޔާރަތުގައި ސީއެސްޓީ އައި ގެ ކުލާސްތަކާއި ދެމުންދާ ޚިދްމަތްތައް ހުރިނެތްގޮތްބައްލަވާ ލައްވަވައި އަދި އިންސްޓިޓިއުޓްގެ ކެޕޭސިޓީ (ޤާބިލުކަން) އިތުރުކުރުމަށް ކުރެވިދާނެ ކަންކަމާ ގުޅޭގޮތުން މަޝްވަރާކުރެއްވެވިއެވެ.
ޕާކިސްތާނުން 2017 ވަނަ އަހަރުވަނީ ސީއެސްޓީ އައި އަށް 2 ސްމާރޓްބޯޑް ހަދިޔާކުރައްވަވާފައެވެ. ކޮމިޝަނުގެ މެންބަރު އަލްފާޟިލާ ފާތިމަތް އާމިރާ ވެސް ބައިވެރިވެވަޑައިގެންނެވި މަޝްވަރާ ބައްދަލުވުމުގައި އެ އިންސްޓިޓިއުޓް ތަރައްޤީ ކުރުމަށް ރޭވިފައިވާ ކަންކަމުގެ މަޢުލޫމާތު ސަފީރު ސާފު ކުރައްވަވައި، ކުރިއަށް ތާނގައިވެސް އިންސްޓިޓިއުޓް ގެ ކަންކަން ކުރިއެރުވުމަށް އެހީތެރިވެދެއްވަވާނެކަމުގައި ބަޔާންކުރެއްވެވިއެވެ.
ޕާކިސްތާނުގެ ސަރުކާރުގެ ފަރާތުން ދިވެހި ސިވިލް ސަރވިސް ގެ މުވައްޒަފުންގެ ހުނަރާއި ޤާބިލުކަން އިތުރުކުރުމަށް ސީ އެސްޓީ އައި އަށް ވެދެއްވަމުންގެންދަވާ އެހީތެރިކަން ފާހަގަކުރައްވަވައި ކޮމިޝަނުގެ ރައީސް ކޮމިޝަނުގެ ނަމުގައި ސަފީރަށް ޝުކުރުއަދާކުރެއްވެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026