ސިވިލް ސަރވިސް ޓްރެއިނިންގ އިންސްޓިޓިއުޓް (ސީ އެސް ޓީ އައި) ގައި ކިޔަވާދެމުންގެންދާ ޑިޕްލޮމާ އިން ޕަބްލިކް އެޑްމިނިސްޓްރޭޝަން އެންޑް މެނޭޖްމަންޓް ކަމުގައި ހިމެނޭ ބައެއްކަމުގައިވާ " އެންޓަރޕްރީނޯސް" ނުވަތަ ތަކެތި އުފައްދައި ބާޒާރުކުރުމުގެ ހުނަރު ދަސްކޮށްދިނުމަށް އަމަލީ ތަޖްރިބާ ހާޞިލްކޮށްދިނުމަށް މިކޯހުގެ ބައިވެރިންނަށް ކުޑަބާޒާރެއް މިއަދު ސީއެސްޓީ އައި ގައި ބާއްވައިފިއެވެ. ކޯހުގެ ބައިވެރިން 4 ގްރޫ÷ޕަކަށް ބަހާލައިގެން ކާބޯތަކެތި އުފައްދާ ބާޒާރުކުރުމުގެ ތަޖްރިބާ ހޯދުމުގެ މިހަރަކާތުގައި ގިނަވައްތަރެއްގެ ތަކެތި ރަނގަޅު ފެންވަރަކަށް ތައްޔާރުކޮށް އެތަކެތި ޕެކްކޮށް ލޭބަލްކޮށް (ނަންޖަހައި) ޒިޔާރަތް ކުރިފަރާތްކަށް ވަނީ ވިއްކާފައެވެ.
ސީއެސްޓީ އައި ދަރިވަރުންނާއި ލެކްޗަރާއިން އަދި ހެޔޮއެދޭފަރާތްތަކަށް އަމާޒުކޮށްގެން ބޭއްވުނު ދަސްކުރުމުގެ ބާޒާރަށް ނުވަތަ މައުރަޒަށް ވަރަށްބޮޑު ތަރުޙީބެއްލިބި ތައްޔާރުކުރި ހުރިހާ ތަކެތި މިއަދު ވިކިހުސްވިއެވެ. މިއަދުގެ މިހަރަކާތުގައި ބައްލަވާލެއްވުމަށާއި ދަރިވަރުންނަށް ހިތްވަރު ދެއްވުމުގެ ގޮތުން ކޮމިޝަނުގެ ރައީސް ޑރ. އަލީ ޝަމީމްވެސް މިހަރަކާތުގައި ބައިވެރިވެވަޑައިގެންނެވިއެވެ.
މިހަރަކާތަށް ލިބުނު ތަރުޙީބުގެ ބޮޑުކަމުން ސީއެސްޓީ އައިގެ ޑިރެކްޓަރ ފާތްމަތު ހަބީބާ ވިދާޅުވެފައިވަނީ ކުރިއަށް އޮތްތާނގައި ރަނގަޅަށް މިފަދަކަންކަން އިންތިޒާމްކޮށް ވީހާގިނަބަޔަކަށް ބައިވެރިވެވޭގޮތަށް ރާވާނެކަމަށާއި، ދަރިވަރުން ދައްކުވައިދިން ހުނަރަށާއި ގުޅިގެން މަސައްކަތް ކުރުމުގެ ރޫޙުއަށް ވަރަށް ބޮޑަށް ތަޢުރީފްކުރައްވަވާ ކަމަށެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026