![](/images/Posts/238/3f5239ab-3888-4d22-b661-f7fae151b1ab_02-750x400.png)
ފުލުހުންނާއި އާންމުގެ ޚިޔާލު ލިބިގެން އެކުލަވާލެވޭ އިސްލާހީ ޕްރޮގްރާމް އެކުލަވާލުމުގައި ދިވެހި ސިވިލްސަރވިސްގެ ޙިއްސާ ބޭނުންފުޅުވާތީ މިކަމުގައި ގުޅިގެން މަސައްކަތްކުރެވިދާނެ ގޮތްތަކާމެދު މަޝްވަރާކުރެއްވުމަށް މޯލްޑިވްސް ޕޮލިސް ސަރވިސްގެ ޓީމެއް މިއަދު ސިވިލް ސަރވިސް ކޮމިޝަނުގެ މެންބަރުންނާއެކު މަޝްވަރާކުރައްވަވައިފިއެވެ.
ސިވިލް ސަރވިސް ކޮމިޝަނުގައި މިއަދު ހެނދުނު ބޭއްވުނު މަޝްވަރާ ބައްދަލުވުމުގައި ފުލުހުންގެ ފަރާތުން އިސްކޮށް ހުންނެވީ ޑެޕިއުޓީ ކޮމިޝަނަރ އަބްދުލް މަންނާންއެވެ. ކޮމިޝަނުގެ ފަރާތުން އިސްކޮށް ހުންނެވީ ކޮމިޝަނުގެ ރައީސް ޑރ. ޢަލީ ޝަމީމެވެ. މި ބައްދަލުކުރުމުގައި، މިއަހަރު ކުރީކޮޅު ތައްޔާރުކުރެވޭ ފުލުހުންގެ ސްޓްރެޓެޖިކް ޕްލޭން އެކުލަވާލުމުގައާއި ރައްޔިތުންނާއި ގުޅިގެން ރައްޔިތުންގެ އިތުބާރު ބޮޑުވާނެގޮތަށް އަދި ޒަމާނީ ހެޔޮގޮތްތަކާއި އެކު ފުލުހުންގެ ޚިދުމަތް ބައްޓަންކުރުމުގައި ދިވެހި ސިވިލް ސަރވިސް އާއި ކޮމިޝަނުގެ ފުރިހަމަ އެއްބާރުލުމާއި އެހީތެރިކަން މޯލްޑިވްސް ޕޮލިސް ސަރވިސްއަށް ލިބިވަޑައިގަންނަވާނެ ކަމުގެ ކަށަވަރުކަން ކޮމިޝަނުން ދެއްވިއެވެ.
ސިވިލް ސަރވިސް އާއި ޕޮލިސް އާ ދެމެދު މަޝްވަރާ ކުރެވޭނެގޮތައް އަދި ސިވިލް ސަރވިސްގެ މުވައްޒަފުންގެ ޚިޔާލާއި މަޝްވަރާ ޕޮލިސްގެ ޚިދުމަތް ޒަމާނީކޮށް ތަރައްޤީ ކުރުމާއި ގުޅޭގޮތުންނާއި ސްޓްރެޓެޖިކް ޕްލޭން އެކުލަވާލުމުގައި މަޢުލޫމާތު ބަދަލުކުރުމަށް މަގުފަހިކުރާނެ ގޮތްތަކާއި މެދު މިއަދުގެ ބައްދަލުވުމުގައި އެއްބަސްވެވިފައިވެއެވެ.
އަދި ސިވިލް ސަރވިސްގެ ޓްރެއިނިންގ އިންސްޓިޓިއުޓް އާއި ގުޅިގެން ސިވިލް ސަރވިސްގެ މުވައްޒަފުންނަށް ފުލުހުންގެ ޚިދުމަތުގައި ބޭނުންވާ މަދަދުވެރިކަމާއި އަދި ޒިންމާދާރު، ކުށުން ބަރީއަވެގެންވާ މުޖްތަމައުއެއް ބިނާކުރުމާގުޅޭގޮތުން މަޢުލޫމާތު ދިނުމަށްވެސް އެއްބަސްވެވުނެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023